Казан булачак балалар карьерасы өчен иң яхшы шәһәрләр исемлегенә керде

2021 елның 28 мае, җомга

Татарстан башкаласы балаларның булачак карьерасы өчен иң яхшы шәһәрләрнең ата-аналар рейтингында өченче урын алды. SuperJob экспертлары үткәргән сораштыру нәтиҗәләре шундый.

"Сораштыруда миллионлы шәһәрләрдән балигъ булмаган балаларның 7,5 мең ата-анасы катнашты. Казанда үткәрелгән тикшеренү нәтиҗәләре буенча, ата-аналарның өчтән икесе балалар, үсеп җитеп, монда яшәргә калуын тели. Тагын 28%  ата-аналар белем алганнан соң үз балаларының туган шәһәрендә калуын теләми ", - диелгән хәбәрдә.

Күченү өчен иң популяр юнәлешләр Мәскәү, Санкт-Петербург, Екатеринбург, Краснодар һәм Сочи булган. Ата-аналарның күпчелеге Казанда балаларны чит ил шәһәрләренә күчерүне күз уңында тотмыйлар  һәм алар балаларының үз илендә карьера төзүләрен телиләр.