ЯҢАЛЫКЛАР
Татарстан Республикасы Мәгариф һәм фән министрлыгы Яшьләр эшләре министрлыгы, Мәгарифне үстерү институты белән берлектә, Террорчылыкка каршы комиссия катнашында «Класс сәгате» мәгариф проектын гамәлгә ашыра башлый.
Россия мәктәпләре илдәге эпидемиологик хәл яхшырганчы махсус шартларда эшләүне дәвам итәчәк. Бу хакта Роспотребнадзорның санитар күзәтчелек идарәсе башлыгы Ирина Шевкун «Российская газета» укучыларының сорауларына җавап биргәндә хәбәр итте.
КФУ Н.И. Лобачевский исемендәге Лицей укучысы Валерий Родионов 430 балл җыйган.
15 сентябрьдән башлап Казан укучыларының туклану карталарында узган уку елыннан калган акчаларны кайтарырга мөмкин булачак. Акчаны мәктәп картасыннан кире кайтару мөмкинлеге бар. Үзең белән паспорт, бала туу турында таныклык, банк картасы реквизитлары булырга, шулай ук гариза язарга кирәк.
Түбән Камада «Калейдоскоп» дип аталган яңа балалар бакчасы ачылды. Чарада Татарстан Республикасы Президенты Рөстәм Миңнеханов катнашты.
Күптелле белем бирү комплексларын булдыру өлкәсендә Татарстанның уңай тәҗрибәсе турында Россия Федерациясендә Кеше хокуклары буенча вәкаләтле вәкил Татьяна Москалькова илнең башка омбудсманнарына сөйләячәк. Бу хакта ул бүген Казанда «Адымнар — белем һәм татулыкка юл» полилингваль гомуми белем бирү комплексына сәфәре нәтиҗәләре буенча хәбәр итте.
Татарстан укучылары ясалма интеллект һәм машина белән уку буенча «Саннар дәресе»нә кушыла алачак. Дәресләр бөтен ил буйлап бөтенроссия мәгариф проекты кысаларында 14-нче сентябрьдән 27-нче сентябрьгә кадәр узачак.
РФ Мәгариф министрлыгы федераль педагогик югары уку йортларына керү өчен БДИның минималь балларын билгели торган боерык проектын бастырды. Биредә 33 уку йорты турында сүз бара.
ТР Премьер-министры урынбасары — мәгариф һәм фән министры Рафис Борһанов мәктәпләр югары тизлекле Интернет белән тәэмин ителгән, диде. Бу хакта ул ТР Хөкүмәт йортында узган брифингта әйтте.
8-30 сентябрьдә социаль челтәрләрдә Россия Федерациясе Мәгариф министрлыгының «Перемена с книгой» акциясе узачак. Акция матур әдәбият уку белән кызыксыну формалаштыруга, мәктәп укучылары тормышында китапның ролен арттыруга, әдәбият белән кызыксынуны үстерүгә һәм китапханәләргә йөрүгә юнәлтелгән.