ЯҢАЛЫКЛАР
В.Е. Алемасов исемендәге Татарстан Республикасы Дәүләт премиясен бирү комитеты 2020 елгы премияне алуга эшләр кабул ителүе турында хәбәр итә. Премия ел саен өч яшь галимгә (35 яшькә кадәр) инженерлык фәннәре өлкәсендәге күренекле фәнни казанышлары һәм фән һәм сәнәгатьнең өстенлекле тармакларын үстерүгә зур өлеш керткәне өчен бирелә.
Казанда «Әкияттә» Музей-театрында «Яраткан әкиятләрне әдәби уку» бушлай социаль белем бирү-агарту проекты старт алды. Проект даими нигездә узачак.
Саклык банкының "Киләчәккә өлеш" Хәйрия фонды һәм Стратегик инициативалар агентлыгы педагогика юнәлешле югары уку йортлары педагоглары һәм студентлары өчен "Киләчәк мәктәп өчен уку материаллары" конкурсы башлануы турында игълан итә.
«Зур химия киләчәге» Идел буе төбәкара олимпиадасы кысаларында 9-11 сыйныф укучылары һәм урта һөнәри белем бирү учреждениеләре укучылары өчен «Золотой набор для «Оборонки» максатчан олимпиадасы уздырыла.
Самара өлкәсе Мәгариф һәм фән министрлыгы 2020 елда "Баланың шәхесен тәрбияләү, үстерү һәм социальләштерү чарасы буларак мәгариф учреждениесе мохите" халыкара фәнни-гамәли конференциясен уздыру турында хәбәр итә.
Рус теле буенча йомгаклау әңгәмәсен тугызынчы сыйныф укучыларының 98%ы уңышлы үтте, дип хәбәр итте матбугат конференциясендә Мәгариф һәм фән өлкәсендә күзәтчелек буенча федераль хезмәт җитәкчесе вазыйфаларын вакытлыча башкаручы Анзор Музаев.
Быел Бөтенроссия тикшерү эшләрендә (ВПР) илнең 37 мең мәктәбеннән 6,5 миллион укучы катнашачак. Былтыр бу сынауны 6 миллионга якын егет-кыз язган булган. 2018-2019 уку елыннан аермалы буларак, быел 8нче сыйныфларда да ВПР уздырылачак.
БДИ тапшырырга быел 797 мең кеше теркәлгән, аларның 692 меңе чыгарылыш сыйныф укучылары. Уртача алганда БДИ тапшыручылар саны 18 меңгә арткан.
Рособрнадзор БДИларны тикшергәндә, ясалма интеллектны кулланачак. БДИларда язма эшләрне мондый технология ярдәмендә тикшеренү быелдан штат режимында башланачак.
24 февральдә Бөтенроссия олимпиадаларының төбәк этабы һәм республика олимпиадаларының йомгаклау этабы тәмамланды. Олимпиада марафоны 2019 елның ноябрь ахырыннан башланды һәм өч ай дәвам итте.