ЯҢАЛЫКЛАР
Татарстанның берьюлы дүрт укучысы математика буенча GS GROUP V Халыкара конкурсында җиңү яулады.
Россия Федерациясе Мәгариф министрлыгының федераль инновацион мәйданчыгы – «Татарстан Республикасы Мәгарифне үстерү институты» Яшь педагоглар советы белән берлектә, «Укытучы 2.0» инновацион проектын гамәлгә ашыру кысаларында, 2019 елның 28нчегыйнварында 15:00 дән 17:00 сәгатькә кадәр Казан милли тикшеренү техник университеты-КАИ Инженер лицей-интернаты базасында «Укучыларны (һәм үзләрен) мотивлаштыруның инновацион методикалары» темасы буенча яшь педагоглар өчен семинар үткәрә.
9 – 15нче гыйнвар көннәрендә Казахстанның Алма-Ата шәһәрендә Казахстан, Россия һәм башка илләрдән физика-математика сыйныфлары укучылары өчен Халыкара Жаутык олимпиадасы узды.
Россия Федерациясе Мәгариф министрлыгы 2018/2019нчы уку елына олимпиада исемлеген үзгәртү буенча тәкъдимнәр җыюны башлап җибәрде, дип хәбәр итә ведомствоның матбугат хезмәте.
Рус әдәбияты буенча бердәм дәүләт имтиханнарында катнашучылар кыска җавап таләп итә торган биремнәрне уңышлы үтиләр. Шул ук вакытта имтиханда әдәби әсәрләрне белү, әдәби текстны анализлый белү югары балларның нигезе булып тора. БДИ-2018 анализы нәтиҗәләре буенча ПҮФИ белгечләре рус әдәбияты буенча имтиханнарга әзерләнгәндә игътибар итәргә тиешле төп моментларны билгеләделәр.
Мәгариф һәм фән өлкәсендә күзәтчелек буенча федераль хезмәт искәртеп узганча, 2019 елда БДИда катнашу өчен гаризалар 1нче февральгә кадәр кабул ителә.
Казанда Башкарма комитетның структур бүлекчәләре җитәкчеләренең шәһәр Мэры каршындагы хисаплары старт алды.
«Россиянең ел укытучысы» конкурсының Татарстан төбәк этабы җиңүчесе 400 мең сум күләмендә приз алачак. Бу хакта «Татар-информ» мәгълүмат агентлыгында узган матбугат конференциясендә ТР мәгариф һәм фән министрының беренче урынбасары Илсур Һадиуллин хәбәр итте.
ТР Мәгариф һәм фән министрлыгы республика муниципаль берәмлекләре башкарма комитетларының мәгариф бүлекләре һәм идарәләре җитәкчеләренә һава температурасы түбән булуга бәйле рәвештә мәктәпләрдә дәресләрне үткәрмәү турында тәкъдимнәр белән хатлар җибәрде.
Казан федераль университеты Идел буе федераль округы, Татарстан югары уку йортлары арасында «Мин-профессионал» студентлар олимпиадасының сайлап алу этабында җиңүчеләр саны буенча алда бара, Россиянең югары белем бирү учреждениеләре арасында 5нче урынны алып тора.