ЯҢАЛЫКЛАР
2018 елның 25 – 28нче сентябрьдә Татарстан Республикасы Мәгариф һәм фән министрлыгы Кырым Республикасында Татар мәгарифе көннәре уздыра.
Татарстан Республикасы Мәгариф һәм фән министрлыгы дәүләт идарәсе башкарма органнарының максат һәм бурычларын ачык рәвештә формалаштыру һәм аларның үтәлешен җәмәгатьчелек күзәтүе буенча пилот проектының катнашучысы булды.
Бу көннәрдә республиканың шәһәр һәм авыл мәктәпләрендә ТР Премьер-министры урынбасары –ТР мәгариф һәм фән министры Рәфис Борһанов, министрның беренче урынбасары Илсур Һадиуллин, милли мәгариф идарәсе башлыгы Лилия Әхмәтҗанова, мәгариф бүлекләре һәм идарәләре башлыклары, татар теле һәм әдәбияты дәреслекләре авторлары, ТР Фәннәр академиясе һәм Мәгарифне үстерү институты фәнни хезмәткәрләре, татар теле һәм әдәбияты укытучылары катнашында туган телне укытуны оештыру мәсьәләләре, туган телләрне, шул исәптән туган тел буларак рус телен өйрәнү, 2018/2019нчы уку елында Татарстан Республикасының дәүләт телләрен өйрәнү буенча семинар-киңәшмәләр уза.
Бүген Түбән Кама шәһәрендә ТР Премьер-министры урынбасары –ТР мәгариф һәм фән министры Рәфис Борһанов катнашында Советлар Союзы Герое Гани Сафиуллин исемендәге Идел буе федераль округы Татарстан кадетлар корпусының Попечительлек советы утырышы булды.
Соңгы араларда социаль челтәрләрдә һәм мессенджерларда “Киров территориаль мәгариф идарәсе” хезмәткәре Дубининадан алынган мәгълүмат дигән булып, “балаларга мәктәп ишек алларында «земляника» дип аталган наркотик препарат тараталар” дигән хәбәр йөри. Кайсы төбәк булуы да күрсәтелмәгән.
Татарстанда укучылар арасында «IT-чемпион» бәйгесе башланды. Бәйгенең яшь катнашучыларының төп бурычы – ата-аналарны һәм өлкән яшьтәгеләрне ТР Дәүләт хезмәтләре порталындагы электрон сервисларны даими куллануга күнектерү һәм шуның белән мөмкин кадәр күбрәк баллар җыю. Бәйге укучыларның цифрлы күнекмәләрен үстерү һәм халыкның компьютер кулланудагы грамоталылыгын арттыру максатыннан ТР Мәгълүматлаштыру һәм элемтә министрлыгы, ТР Мәгариф һәм фән министрлыгы белән берлектә үткәрелә.
2018 елның 17 – 18нче сентябрь көннәрендә мәктәп китапханәчеләре Казан шәһәренең 139нчы номерлы гимназиясе базасында үткәрелгән семинар-практикумда «Руслан» автоматлаштырылган китапханә-мәгълүмати системаның мөмкинлекләре турында өйрәнделәр.
2018 елның 16 – 22нче сентябрь көннәрендә Мәскәүдә сәламәтлеге чикле булган һәм инвалид балалар өчен Бөтенроссия спартакиадасы уза.
Рәфис Борһанов 2019 елда Казанда узачак «Ворлдскиллс» стандартларына нигезләнгән Һөнәри осталык буенча 45нче дөнья чемпионаты старты елына багышланган “SKILLS BAZAAR“һөнәри осталык бәйрәмендә катнашты.
2018 елның 11 – 15нче сентябрь көннәрендә Анапа шәһәрендәге «Смена» Санатория-курорт берләшмәсе базасында һөнәри белем бирү оешмалары укучылары арасында II Бөтенроссия җәйге ГТО фестиваленең финал ярышлары булды. Ярышлар Россия Федерациясе Мәгариф министрлыгы һәм «Россия яшьләре» иҗтимагый-дәүләт физкультура-спорт берләшмәсе тарафыннан оештырылды.