ЯҢАЛЫКЛАР
Идел буе дәүләт физик тәрбия, спорт һәм туризм академиясендә информатика фәне буенча укучыларның XXVIII Бөтенроссия олимпиадасының йомгаклау этабы башланды. 9 нчы апрельгә кадәр узачак олимпиадада Россия Федерациясенең 52 төбәгеннән 250 ләп укучы – бөтенроссия олимпиадасының төбәк этабы җиңүчеләре катнашачак. Татарстан Республикасы данын олимпиадада Казан, Яр Чаллы, Әлмәттән 16 укучы яклый. Олимпиаданың финал өлеше ике турда узачак – беренчесе 5 нче апрельдә, икенчесе 7 нче апрельдә.
2016 елның 1 мартыннан 31 мартына кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 49 мөрәҗәгать кабул ителде, шул исәптән 8 мөрәҗәгать ришвәтчелек очраклары турында.
7-9 апрель көннәрендә Казанда 56 төрле һөнәр буенча “Яшь профессионаллар” WorldSkills Ачык төбәк чемпионаты узачак. Бу хакта бүген сүз Татарстан Хөкүмәте йортында узган брифингта барды. ТР мәгариф һәм фән министры урынбасары Тимерхан Алишев чемпионатның нечкәлекләре турында сөйләде.
1-2 апрельдә Казан шәһәренең 178нче Белем бирү үзәгендә "Ел сыйныф җитәкчесе" республикакүләм һөнәри осталык конкурсы финалы узды. Финал сынаулары нәтиҗәләре буенча беренче урынга Яр Чаллы шәһәренең 76нчы гимназиясе сыйныф җитәкчесе Рыбушкина Лидия лаек дип табылды.
2016 елның 31 нче мартында Яр Чаллы “Камаз” Мәдәният йортында ”Студентлар язы” Гала-концерты узды. Тамаша бик зур алкышлар астында барды. Быел фестиваль үзенең 18 еллыгын билгеләп үтте. Гала-концертны шәһәрнең исполком җитәкчесен вакытлыча алмаштыручы, шәһәр белем бирү идарәсе һәм яшьләр эше белән җитәкчелек итүче Рамил Хәлимов ачты.
Казан каласында быел, беренче тапкыр буларак, мәктәп автобуслары маршрутлары салынган юлларны махсус карап рәткә китерәчәкләр.
5-нче апрель көнне Казанда “Язгы тамчы-2016” фестиваленең гала-концерты үтә. Март дәвамында Казанның һөнәри белем бирү йортларында укучылар төрле номинацияләрдә көч сынаштылар. Иң яхшы иҗат номерларын казанлылар йомгаклау концертында күрә алалар.
Киләсе елдан, татарстанлыларны укытучылар әзерли торган вузларга максатчан кабул итү программасы кысаларында, татар телендә белем бирә торган мәктәпләр өчен дә педагогик кадрлар әзерләү күздә тотыла. Бу хакта бүген “Татар-информ” МА хәбәрчесенә ТР мәгариф һәм фән министры урынбасары Тимерхан Алишев хәбәр итте.
1 апрельдә "Казан ярминкәсе" күргәзмәләр үзәгендә Казанда “Яшь профессионаллар” WorldSkills Ачык төбәк чемпионатын оештыру буенча киңәшмә узды. Киңәшмәдә Татарстан Республикасы Премьер-министры урынбасары-мәгариф һәм фән министры Энгель Фәттахов, Татарстан көллиятләре һәм техникумнары директорлары, профильле министрлыклар һәм ведомстволар вәкилләре катнашты.
22 апрельдә КФУның Алабуга институты базасында “Төрки дөнья: тел, әдәбият, тарих һәм дин проблемалары” VIII халыкара тюркология конференциясе уздырыла. Чара Туган тел көненә багышлана.