ЯҢАЛЫКЛАР
Бүген ТР Мәгариф һәм фән министрлыгында, әлеге министрлык каршында оешкан “2014-2020 елларда Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү” ТР дәүләт программасын тормышка ашыру мәсьәләләре буенча Иҗтимагый совет утырышы узды. Анда ТР Премьер-министры урынбасары — ТР мәгариф һәм фән министры Энгель Фәттахов, Иҗтимагый совет әгъзалары һәм дәүләт программасын тормышка ашыруда катнашучылар фикер алышты.
25 гыйнварда Казанның “Пирамида” мәдәни-күңел ачу комплексында ТРның “Ел студенты-2015” XI еллык студент премиясе җиңүчеләрен бүләкләү тантанасы узачак. Барлыгы 19 номинациядә иң яхшы студент исемнәре билгеле булачак.
2016 елның 21 гыйнварында Казанда инглиз теле фәненнән бөтенроссия мәктәп укучылары олимпиадасының региональ этабы һәм республикакүләм олимпиаданың йомгаклау этабына нәтиҗә ясалды, җиңүчеләр һәм призерларны бүләкләү тантанасы узды. Олимпиаданың региональ этабында Татарстан Республикасының 15 районыннан, Казан һәм Яр Чаллы шәһәрләреннән 9-11 сыйныфларда укучы 98 укучы катнашты.
2016 елның 25 гыйнварында Казанда "Зилант" боз сараенда Идел буе округы югары уку йортлары һәм Казан федераль университеты студентлары арасында туп белән хоккей уенының финалы узачак. Финал уен Россия студентлары көне уңаеннан үткәрелә. Командалар җанатарлары һәм тамашачылар өчен интерактив конкурслар, уеннар һәм акцияләр оештырылачак.
“Ел студенты” республика студентлар премиясенең популярлыгы елдан-ел арта. Аның әле үткәрелә торганына дәгъва кылучылардан 19 номинациядә 500ләп гариза кабул ителгән. Бу, 2014 ел белән чагыштырганда, 100гә артык.
Татарстан ике ел дәвамында укучылар арасында Бөтенроссия олимпиадалары җиңчеләре һәм призерлары саны буенча лидер санала. Бу хакта "Татар-информ" агентлыгында узган матбугат конференциясендә ТР мәгариф һәм фән министры урынбасары Илдар Мөхәммәтов хәбәр итте.
Татарстан Республикасы мәгариф һәм фән министрлыгы татар теле һәм әдәбияты буенча IV Халыкара олимпиаданың читтән торып үтү туры тәмамлануы турында хәбәр итә. Йомгаклау турына үтү баллары Казан (Идел буе) федераль университетының рәсми сайтында урнаштырылган, нәтиҗәләр белән танышу өчен киләсе сылтама буенча үтә аласыз: http://abiturient.kpfu.ru.
2016 елның 20 гыйнварында Казанда химия фәненнән бөтенроссия мәктәп укучылары олимпиадасының региональ этабы һәм республикакүләм олимпиаданың йомгаклау этабына нәтиҗә ясалды, җиңүчеләр һәм призерларны бүләкләү тантанасы узды. Олимпиаданың региональ этабында Татарстан Республикасының районнарыннан һәм Казан шәһәреннән 9-11 сыйныфларда укучы 121 укучы, республикакүләм олимпиадада 8 сыйныфлардан 24 укучы катнашты.
Татарстан Республикасы Мәгариф һәм фән министрлыгы 2016 елның февраль аеннан”Ана теле” татар телен читтән торып өйрәнү мәктәбендә катнашучыларны теркәү башлануы турында хәбәр итә. Татар телен өйрәнергә теләге булган һәркемнең “Ана теле” проектында катнашу мөмкинлеге бар.
Быел Татарстанда 95 мәктәп һәм 52 мәктәпкәчә белем бирү учреждениесен төзекләндерү планлаштырылган. 15 гыйнвар көненә 99 объектта эшләр башланган. Мондый күрсәткечләрне бүген ТР төзелеш, архитектура һәм ТКХ министры Ирек Фәйзуллин республика киңәшмәсендә хәбәр итте. Киңәшмәне Татарстан Республикасы Президенты Рөстәм Миңнеханов уздырды. Анда шулай ук ТР Премьер-министрының беренче урынбасары Алексей Песошин катнашты.