ЯҢАЛЫКЛАР

Көзге каникуллар вакытында 2015 елның 2, 5 һәм 6 ноябрендә республиканың 1-11 сыйныфларында укучы, балалар йортларында тәрбияләнүче, күп балалы гаиләләрдә һәм уллыкка яки кызлыкка алган гаиләләрдә тәрбияләнүче  900дән артык бала бушлай Татарстан Республикасы Милли музеенда булачак. 

9-15 ноябрь көннәрендә мәктәп укучылары арасында юл йөрү кагыйдәләрен белүгә “Куркынычсыз юл”/ “Дорога без опасности” бөтенроссия интернет-олимпиадасы уздырыла. Олимпиада РФ Мәгариф һәм фән министрлыгы тарафыннан, “2013-2020 елларда юл хәрәкәте иминлеген күтәрү” федераль максатлы программасын гамәлгә ашыру кысаларында, юлда укучыларның куркынычсызлыгын тәэмин итүнең массакүләм формаларын үстерү, балаларның юлда транспорт һәлакәтләрендә имгәнү, җәрәхәтләнү очракларын профилактикалау, юл йөрү кагыйдәләре буенча белемнәрен ныгыту йөзеннән, үткәрелә.

2015 елның 3 ноябрендә 17 сәгатьтә "Әкият" Татар дәүләт курчак театрында Анастасия Волочкованың хәйрия концерты була. Анастасия Волочкова - россия балеринасы, биюче һәм җәмәгатьчелек эшлеклесе.

2015 елның 29 октябрендә өч йөздән артык татарстан мәктәп укучылары  үзләренең әти-әниләре белән Казан дәүләт яшь тамашачылар театрында  "Романның гаиләсе" спектаклен карады. Спетакль улы каты авыручы ана кешенең язмышы турында.

Зәй районының барлык мәктәпләрендә октябрь ае дәвамында “Дөньядагы иң зур дәрес” исеме астында сыйныф сәгатьләре оештырылды.

1 ноябрь көнне 11.00дә Иннополис университетында “Федераль дәүләт мәгариф стандартларын гамәлгә ашыру шартларында төп һәм өстәмә белем бирүдә IT-компетенцияләрне үстерү” темасына фәнни-гамәли конференция була.

Иске Урыссу мәктәбендә мәгариф учреждениеләре җитәкчеләренең “Гаилә һәм мәктәп: балаларны тәрбияләү нәтиҗәләре өчен җаваплылыкның хокукый аспекты” темасына район семинары үтте.

29 октябрьдә ТР Премьер-министры урынбасары – мәгариф һәм фән министры Энгель Фәттахов җитәкчелегендәге Татарстан Республикасы Мәгариф һәм фән министрлыгы делегациясе Удмуртия Республикасында Татар мәгарифе көннәрендә катнашты.

2015 нче елның 28 нче октябрендә, Татарстанның Халыклар дуслыгы йортында “Күпмәдәниятле җәмгыятьтә милли телләрне саклау һәм үстерү” дигән темага Россия Федерациясе халыклары телләрендә II төбәкара фәнни-гамәли конференция һәм укулар үтте.

2015 елның 30 октябрендә татар халкының күренекле композиторы, Татарстанның Г.Тукай исемендәге дәүләт бүләге иясе, Татарстанның халык, Россиянең атказанган артисткасы Сара Садыйкованың туган көне уңаеннан татар халкының җыр һәм музыка сәнгате өлкәсендә якты эз калдырган әлеге мәшһүр сәнгатьченең исемен мәңгеләштерү максатыннан Сара Садыйкова исемендәге төбәкара ачык фестиваль-конкурс үткәрелә.