ЯҢАЛЫКЛАР

27-31 октябрьдә Иннополис Университетында "Робототехника" юнәлеше буенча өстәмә гомумибелем  программасын гамәлгә ашыручы педагоглар квалификация үстерү курсларында катнаша.  Шул ук вакытта Иннополис Университетында робототехника буенча олимпиада биремнәрен  чишү буенча ТР мәктәп укучылары өчен республикакүләм профиль смена уза.

Казанда беренче мәртәбә “Татарстан студентлары күрке” (“Краса студенчества Татарстана”) сәләтлелек, нәзакатьлелек һәм артистлык осталыгы конкурсы уздырыла.

Казанда Е.К.Завойский исемендәге премия конкурсы нәтиҗәләре игълан ителде. Финалда 6 кеше катнашты. Казанның берничә яшь галиме җиңүче булып танылды.

6 ел дәвамында “Кадр резервы” Республика проекты кысаларында 1,4 мең яшь кеше үзенең белемен арттырган. Алар барлыгы 38 эре һәм 1,2 мең социаль акцияләр гамәлгә ашырган.

2015 елның 27 октябрендә Казанда тарих һәм җәмгыять белеме дәресләре укытучылары Форумы узды. Чарада республиканың  тарих, җәмгыять белеме,  дин мәдәнияты һәм дөньяви  этика нигезләре дәресләрен алып баручы 400дән артык укытучы катнашты. 

Бүген сәгать көндезге 3тә Казан (Идел буе) федераль университетының актлар залында эксперименталь, теоретик һәм гамәли физика өлкәсендә ирешкән уңышлары өчен яшь галимнәргә, тантаналы рәвештә, Е.К.Завойский исемендәге Казан премиясен тапшырачаклар.

Бүген Казан федераль университетының Фундаменталь медицина һәм биология институтында (К.Маркс урамы, 74) “Время новых идей” белем бирү проектын ачу тантанасы уздырылды.

Яшел Үзән районының барлык мәгариф учреждениеләрендә ата-аналар җыелышлары бара.

Белем бирү оешмаларының иң яхшы китапханәләрен барлау һәм аларның эш тәҗрибәсен өйрәнү максатыннан, агымдагы елның 25 нче августыннан 23 нче октябренә кадәр “Иң яхшы мәктәп китапханәсе – 2015” республика бәйгесе үтте.

Иртәгә, 2015 елның 28 октябрендә, Татарстанның Халыклар Дуслыгы йортында «2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» Татарстан Республикасы дәүләт программасы кысаларында Россия Федерациясе халыклары телләрендә укучыларның фәнни-гамәли конференциясе һәм укуларының йомгаклау этабы үткәрелә.