ЯҢАЛЫКЛАР

2015 елның 9-16 июлендә Иннополис университеты базасында  робототехника буенча олимпиадага  әзерләнү максатыннан республикакүләм укыту-өйрәнү җыены узды. Биредә Республикакүләм һәм Бөтенроссия роботехника олимпиадаларында җиңү һәм призлы урыннар яулаган командалар катнашты. Җыенда республиканың 12 муниципаль районыннан 50 укучы килгән иде.

15 июльдә  Татарстанның Питрәч муниципаль районында 5 нче "Бәләкәч" балалар бакчасы үз ишекләрен ачып җибәрде. Аны рәсми ачу тантанасында Татарстан Президенты вазифаларын вакытлыча башкаручы Рөстәм Миңнеханов, ТР Премьер-министры урынбасары – мәгариф һәм фән министры Энгель Фәттахов, Питрәч муниципаль районы башлыгы Эдуард Дияров һәм башка рәсми затлар катнашты.

Татарстанда быел 10 фән буенча (информатика, биология, җәмгыять белеме һәм француз теленнән кала) БДИның уртача баллы, республиканың 2014 елгы нәтиҗәләре белән чагыштырганда, югарырак. Аерым алганда, баллар физикадан 6,92гә, немец теленнән 11,32гә, рус әдәбиятыннан 5,04кә, географиядән 2,63кә арткан.

14 июльдә  Иннополис шәһәрендә яшьләр өчен еллык киңкүләм белем бирү чарасы - "Президент академиясенең җәйге кампусы" IV Халыкара белем бирү форумы үзенең эшен башлап җибәрде. Җәйге кампусның темасы - "Мөмкинлекләр территориясе: Идеяләр. Кыйммәтләр. Белем". Студентларны Татарстан Президенты вазифаларын вакытлыча башкаручы Рөстәм Миңнеханов, Россия Халык хуҗалыгы һәм дәүләт хезмәте академиясе ректоры Владимир Мау, "Россия Саклык банкы" идарә рәисе Герман Греф, Россия элемтә һәм гаммәви коммуникацияләр министры Николай Никифоров сәламләде.

Агымдагы елда югары уку йортларына көндезге бүлеккә укырга керүче абитуриентлар өчен 410 бюджет урыны билгеләнгән. Моннан кала  бюджеттан тыш, читтән торып уку бүлекләрендә, техникум һәм көллиятләрдә урыннар каралган. Абитуриентларга тиз арада мәгълүмати ярдәм күрсәтү максатыннан Россия Мәгариф һәм фән минитсрлыгы 2015 елда югары һәм урта  һөнәри белем бирү йортларына кабул итү кампаниясе буенча ике "кайнар линия" эшләтеп җибәрде.

3-12 июль көннәрендә Һиндстанның Мумбаи шәһәрендә физика буенча Бөтендөнья олимпиадасы уздырылды. Россия җыелма командасында 5 кеше, шул исәптән Бөгелмәдәге аерым фәннәрне тирәнтен өйрәтә торган 6нчы урта мәктәпнең 11нче сыйныф укучысы Алексей Красников, катнашты.

Бүген Иннополис шәһәрендә яшьләр өчен еллык киңкүләм белем бирү чарасы - "Президент академиясенең җәйге кампусы" IV Халыкара белем бирү форумы ачыла. Шул уңайдан буласы тантанадан соң, "Шәхес үстерү аша дәүләт үсеше" темасына дискуссия узачак. Анда Татарстан Президенты вазифаларын вакытлыча башкаручы Рөстәм Миңнеханов, РФ Президенты каршындагы Россия Халык хуҗалыгы һәм дәүләт хезмәте академиясе ректоры Владимир Мау, "Россия Саклык банкы" идарәсе рәисе Герман Греф, РФ элемтә һәм гаммәви коммуникацияләр министры Николай Никифоров катнаша.

13 июльдә Казанда “Заречье” сәламәтләндерү лагеренда Татарстанның яшь геологлары арасында II республикакүләм ачык кыр олимпиадасын ябу тантанасы уздырылды. Чара ТР Премьер-министры урынбасары – мәгариф һәм фән министры Энгель Фәттахов катнашында үтте.

2015 елның 11 июлендә “Костер” республикакүләм балаларны сәламәтләндерү-белем бирү үзәгендә “Яшь туристлар һәм коткаручылар” дип аталган республикакүләм профиль смена башланып китте.