ЯҢАЛЫКЛАР

Казан дәүләт медицина университеты һәм Казанның Бондаренко урамында төзелгән яңа 179 нчы мәктәп 2015-2016 уку елына махсуслаштырылган 8 нче медицина сыйныфына укучыларны җыю турында игълан итә.

Татарстанда Президент академиясенең җәйге кампусын уздыру республикага талант ияләрен җәлеп итү мөмкинлеге тудыра.

Россия мәгариф һәм фән өлкәсендә күзәтчелек хезмәте уку йортларына кабул итү кампаниясе кысаларында абитуриентларны, студентларны һәм аларның әти-әниләрен югары уку йортын сайлаганда игътибарлы булырга чакыра.

Кичә, «Сәләт» IV Халыкара уку-укыту яшьләр форумының 3нче көнендә, Алексеевск районы Биләр җирендәге лагерь кабат Татарстанның 22 районыннан делегацияләр кабул итте. Аксубай, Әлки, Баулы, Чүпрәле, Алабуга, Кама Тамагы, Мамадыш, Минзәлә, Мөслим, Сарман, Тәтеш, Тукай, Теләче һәм Чирмешән районнарыннан килгән сәләтле балалар төрле кызыклы мастер-класслар, тренингларда катнашу бәхетенә ирештеләр. Әлеге дәресләрнең саны шактый күп, төгәлрәк әйтсәк, - 22! Һәр бала күңеленә ошаган дәрескә барып белем һәм тәҗрибә туплый алды. Темалары да күптөрле: шәхси уңыш һәм нәтиҗәлелек, уңыш һәм карьера белән идарә итү, фән һәм IT, кул эшләре.

27 июньнән 14 июльгә кадәр Казанда “Заречье” сәламәтләндерү лагеренда Татарстанның яшь геологлары арасында II республикакүләм ачык кыр олимпиадасы уза. Олимпиадада  Татарстан Республикасыннан 30 команда, Крым Республикасының Бакчасарай районы һәм Казахстан Республикасы командалары катнаша.

Татарстанның Алексеевск районында урнашкан “Биләр” тарихи-археологик музей-тыюлыгы территориясендә 7-12 июль көннәрендә “Сәләт” IV халыкара яшьләр уку-укыту форумы уздырыла. Быел анда Татарстаннан, Россия төбәкләреннән, шулай ук ерак һәм якын чит илләрдән 5 меңнән артык кеше катнаша.

6 июньдә Яр Чаллы шәһәрендә "Фиалка" дип аталган 116нчы номерлы яңа балалар бакчасы ачылды. Ул Кызыл Чаллы микрорайонында урнашкан. Балалар бакчасының ачылу тантанасында Татарстан Республикасы Премьер-министры урынбасары - мәгариф һәм фән министры Энгель Фәттахов һәм Яр Чаллы шәһәре Башкарма комитеты рәисе Наил Мәһдиев катнашты. 

Кичә Ханты-Мансийскида “ПРОФ-IT” III Бөтенроссия төбәк мәгълүматлаштыру проектлары конкурсы финалының беренче көне уздырылды. Быел жюри хозурына барлыгы 170 проект тәкъдим ителгән, шуның 36сы финалга үткән. Алар 10 номинация буенча бәяләнгән.

2015 елның 1-нче июненнән 30-нчы июненә кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 68* мөрәҗәгать кабул ителде, шул исәптән 6* мөрәҗәгать ришвәтчелек очраклары турында (алар түбәндә таблица формасында күрсәтелгән), мөрәҗәгатьләр әлегә департамент белгечләре тарафыннан карала.