ЯҢАЛЫКЛАР

2015 елның 21-29 мартында республикада техникум һәм көллият студентлары арасында Бөек Ватан сугышында Җиңүнең 70 еллыгына багышланган “Без –бәхетле буын” дип аталган үзешчән сәнгать фестивале уза.

18 марттан 14 сентябрьгә кадәр Татарстанда “Глаголица” II Республика балалар әдәби премиясенә конкурс уздырыла. Конкурста 10-17 яшьлек балалар катнаша ала. 18 март көнне сәгать 13.00 дә “Татар-информ” МА әлеге конкурска багышланган матбугат конференциясе була. Конкурс ТР Мәдәният, ТР Мәгариф һәм фән министрлыклары, “Татмедиа” Республика матбугат һәм массакүләм коммуникацияләр агентлыгы ярдәме белән “Бәхетле тарихлар” балаларга ярдәм хәйрия фонды оештыра.

12 нче март көнне Ф.З. Яруллин исемендәге Әлмәт музыка көллиятендә Бөек Җиңүнең 70 еллыгына багышланган студентлар хоры фестиваленең зональ туры узды. Фестиваль “Татарстан – яңа гасыр” республика иҗтимагый хәрәкәте инициативасы белән яшь буында патриотик хисләр уяту һәм халкыбызның данлыклы тарихына ихтирам тәрбияләү максатыннан үткәрелә. Зональ турда Әлмәт дәүләт муниципаль хезмәт институты, Ф.З. Яруллин исемендәге Әлмәт музыка көллияте һәм Лениногорск музыка-сәнгать педагогика көллияте хорлары катнашты.

2015 елның 11-12 мартында Казан сәүдә-икътисад техникумында “Ресторан хезмәте” компетенциясе буенча WorldSkills Russia 2015 һөнәри осталык буенча милли чемпионатның региональ этабы уза. Чемпионатта Татарстан Республикасы һөнәри белем бирү оешмалары һәм җәмәгатьчелек туклану оешмаларыннан 10 катнашучы үзара көч сынаша. Конкурс экспертлары – республика ресторан хезмәтенең әйдәп баручы белгечләре. Конкурс программасы хезмәт күрсәтү буенча дөньякүләм стандартларга таянып төзелгән.

Татарстан Республикасы һәм Иран Ислам Республикасы арасында хезмәттәшлек юнәлешләре арасында мәгариф өлкәсе иң мөһиме була ала. Бу хакта Тәһранда Иран Ислам Республикасының Фән һәм технологияләр буенча вице-президенты Сурена Саттари белән очрашуда Татарстан Республикасы Президенты Рөстәм Миңнеханов белдерде. Исегезгә төшерәбез, Татарстан Республикасы Президенты җитәкчелегендәге делегация составында Татарстан Республикасы Премьер-министры урынбасары-мәгариф һәм фән министры Энгель Фәттахов та бар.

2015 елның 10 февралендә узган, Татарстан Республикасында гомуми белем бирү системасын камилләштерү мәсьәләләренә багышланган, Иминлек Советы утырышы нәтиҗәләре буенча ТР Мәгариф һәм фән министрлыгы тарафыннан Татарстан Республикасы Министрлар Кабинеты каршындагы Иктисадый һәм социаль тикшеренүләр үзәге белән берлектә тәкъдимнәр әзерләнде.

26 февральда республика көллиятләрендә һәм техникумнарында WorldSkills Russia 2015 һөнәри осталык буенча III милли чемпионатның региональ этабы башланды. Хәзерге вакытта республиканың һөнәри белем бирү оешмаларында 47 белгечлек буенча ярышлар уза. Милли чемпионат финалында катнашучылар 2015 елның апрель аенда Россия Федерациясе округларында узачак ярымфинал нәтиҗәләре буенча билгеле булачак.

14 март көнне Казанның 5нче лицеенда Бөек Ватан сугышында Җиңүнең 70 еллыгына багышланган тарихи квест уздырылачак. Чараны “Кадрлар резервы” республика проекты активистлары оештыра.

Базарлы Матак мәктәбендә татар теле һәм әдәбиятын укыту буенча семинар үткәрелде. Анда, район мөгаллимнәре белән беррәттән, Мәләкәс шәһәреннән дә биш татар теле укытучысы катнашты. Педагоглар татар телен укытуның яңа методикалары, аерым алганда, Сингапур тәҗрибәсе хакында сөйләштеләр, белем бирүнең федераль стандартлары хакында фикер алыштылар.

Россиянең 2019 елда Казанда "WorldSkills Competition" эшче һөнәрләр чемпионаты финалын үткәрү хокукына гариза бирүе кампаниясе кысаларында 10 марттан 24 апрельгә кадәр “Һөнәр” иншалар һәм рәсемнәр конкурсы уздырыла.