ЯҢАЛЫКЛАР

16-17 декабрьдә Казанда “Россиянең чит ил студентлары” семинары уза. Чарада Россиянең 200 дән артык чит ил студенты катнаша.
2012 елдан башлап Татарстанда чит ил студентлары саны ике тапкыр диярлек арткан: 3,5 меңнән 6 меңгә кадәр. Семинарның төп темасы адаптация, чит ил студентлары куркынычсызлыгы, хезмәт мәшгульлеге һәм укудан тыш эшчәнлек мәсьәләләреннән гыйбарәт.

21 нче декабрь көнне 13 сәгатьтә Казанның “Татнефть-Арена” боз сараенда Республика Яңа ел чыршы бәйрәме узачак.

Белем сыйфатын мониторинглау республика үзәгендә йомгаклау сочинениясе һәм иншасы материалларын эшкәртү тәмамланды. 3 декабрь көнне республикада барлыгы 17 мең 893 чыгарылыш сыйныф укучысы сочинение, 406 укучы инша язды. Сочинение буенча 163 укучы, инша нәтиҗәләре буенча 6 укучы “незачет” алган.

Лениногорск районы Куакбаш авылы мәктәбендә “Яңа ел” открыткасы күргәзмәсе уздырылды. Яңа ел темасына багышлап ясалган открыткалар оста һәм матур килеп чыккан.

2014 елның 23 декабрендә Казанда “IТ-чемпион” Республикакүләм конкурсының II этабы җиңүчеләрен тәбрикләү тантанасы узачак. Исегезгә төшерәбез, конкурс ике этапта “Иң актив мәктәп укучысы” һәм “Иң актив мәктәп” номинацияләре буенча үткәрелде. 2014 елда “Иң актив мәктәп” номинациясендә 1 368 мәктәп катнашты. Республиканың һәр районыннан иң актив мәктәп интерактив җиһаз, ә 3 лидер-мәктәп өстәмә мобиль сыйныфлар белән бүләкләнәчәк.

17 декабрь көнне Мәскәүдә Каюм Насыйри исемендәге институтның белем бирү-мәдәни үзәге ачылачак. Үзәк Муса Җәлил исемендәге татар компонентлы этномәдәни юнәлештә эшләүче 1186нчы мәктәп базасында оеша. Ачылыш тантанасында Татарстан Дәүләт Советы рәисе Фәрит Мөхәммәтшин, республика премьер-министры урынбасары - мәгариф һәм фән министры Энгель Фәттахов, Татарстан Дәүләт Советының мәгариф, мәдәният, фән һәм милли мәсьәләләр комитеты рәисе Разил Вәлиев һәм Татарстанның башка рәсми вәкилләре, шулай ук Мәскәү шәһәре хөкүмәте вәкилләре катнашыр дип көтелә.

9-11 декабрьдә Казанда педагог-психологлар өчен семинар узды. Катнашучылар "Все, что тебя касается" программасы материаллары буенча тренинглар үткәрү технологиясе тәҗрибәсе белән уртаклашты.

Акташ мәктәбендә Сугыш даны музее эшли. Әлеге музей хәзер яңартылып, җирле депутатлар тарафыннан яклау тапкан. Беренче карашка гади генә тоелган мәктәп музеенда сугыш кораллары, дарысы алынган гранаталар, Акташ авылынын Бөек Ватан сугышында катнашкан батырларның чып-чын хатлары саклана.

Республикада «КЭС-БАСКЕТ» мәктәп укучылары баскетбол лигасы чемпионатының зона этаплары дәвам итә. 14 декабрьдә ярышлар Буа районында "Юность" балалар һәм яшүсмерләр спорт мәктәбе һәм М.М.Вахитов исемендәге гимназия базасында үтте.