ЯҢАЛЫКЛАР

“Безнең яңа укытучыбыз” грантын алу өчен бәйгедә катнашырга теләүчеләргә ашыгырга кирәк. 2014 елның 23 июлендә mon.tatarstan.ru ( «Гранты учителям» бүлегендә) сайтында катнашучыларның электрон теркәлү вакыты тәмамлана.

Минзәлә авыл хуҗалыгы техникумы 1889 елда төзелгән. Бүген шушы урта һөнәри белем бирүче дәүләт бюджет мәгариф учреждениесе агросәнәгать комплексы өчен 7 белгечлек буенча белгечләр әзерли. Ул укучыларның эшче һөнәрләре буенча һөнәри әзерлегенә старт бирә торган үзенчәлекле мәйданчыкка әверелде.

Бүген математика буенча мәҗбүри бердәм дәүләт имтихан нәтиҗәләре билгеле булды. Быел математика буенча БДИдан уртача балл 48,4 балл тәшкил итте (2013 елда 56,6 балл иде). Укучыларга, ким дигәндә, 24 балл җыярга кирәк иде. 421 укучы минималь чикне уза алмады.

11 июньдә чыгарылыш сыйныф укучылары химия һәм җәмгыять белеме фәннәреннән төп дулкындагы соңгы БДИны тапшыра. Җәмгыять белеменнән БДИ сайлап алынган фәннәр арасында иң массалыларның берсе – аны тапшырырга 10 мең 100 укучы теләк белдергән.

БөтенТатарстаннан педагог-тәрбиячеләр Түбән Камада җыелды. Биредә ике көн дәвамында республика семинары узачак. Анда 40ка якын урта һөнәри белем оешмаларыннан тәрбия буенча урынбасарлар катнаша.

Июнь башында Нурлат районында мәктәпкәчә учреждениеләргә 2014-2015 уку елына балалар туплый башладылар. 10 көн эчендә «Электрон балалар бакчасы» автоматлаштырылган мәгълүмат системасы аша 473 юллама бирелгән.

Быел “Сәләт” яшьләр үзәге үзенең 20 еллыгын билгеләп үтә. Үзәкнең җәйге лагерьларында 4 меңнән артык бала ял итәр дип көтелә. Бу хакта бүген “Татмедиа” республика матбугат һәм массакүләм агентлыгында үткән матбугат конференциясендә “Сәләт”нең җитәкчесе Җәүдәт Сөләйманов сөйләде.

5 нче июньдә Мамадыш шәһәрендә “Олимп” спорт комплексы базасында, Татарстан Республикасының Мәгариф һәм фән министрлыгы карары буенча, Россия Махсус Олимпиада программасы кысаларында республика ярышлары узды. Ярышларда республикабызның зональ этапларында армрестлинг, өстәл теннисы, мини-футбол буенча җиңү яулаган 10 команда көч сынашты.

Бүген Яр Чаллыда бер үк вакытта яңа 5 балалар мәктәпкәчә белем бирү учреждениесе үз эшен башлады. Тантаналы ачылышта ТР Президенты Рөстәм Миңнеханов катнашты.
ТР Президенты Автошәһәргә эш сәфәре барышында “Яшьлек” микрорайонында яңа 108 нче балалар бакчасында булды. Бүген ачылган калган 4 балалар бакчасы кебек, бу бакча да федераль бюджеттан финанслау белән балалар бакчалары төзү буенча республика программасы нигезендә сафка бастырылган. 260 урынлы балалар бакчасын төзү 138,4 млн.сумга төшкән, шул исәптән 105 млн. сум – республика бюджетыннан һәм 33,4 млн.сум – РФ бюджетыннан.

Бүген IV чакырылыш ТР Дәүләт Советының 52 нче утырышының көн тәртибенә куелган “Хөкүмәт сәгате”нең төп темасы Татарстан Республикасында квалификацияле эшче кадрлар әзерләү системасына багышланган иде. Әлеге мәсьәлә буенча ТР Премьер-министры урынбасары – мәгариф һәм фән министры Энгель Фәттахов чыгыш ясады.