ЯҢАЛЫКЛАР

Быелгы гаугалы бердәм дәүләт имтиханы мәгариф өлкәсе җитәкчелегенең теленнән төшми. Алар сынау барышында булган хокук бозуларны анализлау һәм җибәрелгән хаталарны төзәтү белән мәшгуль. Шушы көннәрдә БДИны камилләштерү мәсьәләләре Федерация Советының парламент тыңлауларында да каралды.

Агымдагы елның 23-29 ноябрендә «Байтик» компьютер лагере базасында укучылар өчен ( Крутушка поселыгы) IT-JUMP республика проекты кысаларында “Windows 8 гә өстәмә эшкәртмә һәм челтәрле телефоннар өчен Windows Phone 8 өстәмәсе” буенча профиль сменасы уза. Сменаны РТ Мәгълүматлаштыру һәм элемтә министрлыгы IT-парк үзәге белән берлектә оештыра.

Бүген Казан дәүләт медицина университетында медицина уку йортлары студентлары һәм укучылары арасында татар теле һәм медицина терминологиясе буенча “Ак халатлы фәрештәләр – 2013” III республика олимпиадасы уза. Әлеге чара кысаларында “Икетеллелек шартларында татар теленә һәм сөйләм культурасына өйрәтү” дигән II республикакүләм методик семинары үтә.

Фәнгә тирән һәм катлаулы нигезләнүне таләп иткән машина төзелеше үсеше проблемалары һәм перспективалары.
19-21 ноябрьдә Казанда шундый темага халыкара конгресс уздырылачак. Анда кораб, автомобиль, энергомашина, приборлар төзелешләре, шулай ук аэрокосмик, мәгълүмати, мәгълүмати-коммуникацион, радиоэлектрон, инженерлык белеме технологияләре турында сүз барачак.

2013 елның 13 ноябрендә “WorldSkills Russia Мәскәү – 2013” икенче ачык чемпионатында катнашучыларны һәм җиңүчеләрне бүләкләү тантанасы булды. Бу чарада Татарстан Республикасы Мәгариф һәм фән министры Э.Н.Фәттахов та катнашты.

Татарстан Республикасының Мәгарифне үстерү институты Россия мәгариф академиясенең Мәгариф идарәсе институты белән берлектә 2013 нчы елның 15 нче ноябрендә Казан шәһәренең Яңа Савин районындагы “Аерым фәннәрне тирәнтен үзләштерүгә нигезләнгән 177 нче мәктәп” базасында мәктәп директорлары, директор урынбасарлары һәм балалар бакчалары мөдире өчен республика күләм семинар үздыра.

2013 елның 5-9 ноябрендә Казан шәһәренең 2нче лицей-интернатында яшь биологларның VII Бөтенроссия турниры булып узды. Турнир – ул укучыларның мавыктыргыч танып белү ярышлары. Укучылар Турнирда биологиядән фундаменталь белемнәрен, фәнни проблемаларны чишә белүләрен, логик фикерләүләрен, анализлау мөмкинлекләрен, башка укучылар һәм компетентлы жюри алдында үз фикерләренең дөреслеген моназара формасында дәлилли алуларын күрсәттеләр. Ярышларның төп формасы – биологик көрәш. Турнирның биремнәре ачык типта, ягъни алар бертөсле генә җавапка ия түгел, аларны чишү өчен, төрле ысуллар куллану күздә тотыла.

Габдулла Кариев исемендәге Казан татар дәүләт яшь тамашачы театры бинасында татар халкының яраткан композиторы Сара Садыйкованың тууына 107 ел уңаеннан “Калфаклы сандугач – 2013” исемендәге татар җыры һәм музыка уен-коралларының VII төбәкара ачык фестиваль-конкурсы узды. Җиде ел дәвамында Казан шәһәренең 4 нче татар гимназиясе һәм 24 нче балалар музыка мәктәбе белән берлектә оештырылган әлеге фестиваль-конкурсның географиясе 2013 елда тагын да киңәйде.

Семинар Татарстан Республикасының мәгариф һәм фән министры Энгель Нәвап улы Фәттаховның төбәкара семинарда катнашучыларга төбәкләр арасындагы хезмәттәшлекне ныгытуда уңышлар теләп җибәрелгән сәламләү хатын уку белән башланды.

“Мәктәптә дини мәдәниятләр һәм дөньяви әхлак нигезләрен өйрәнү: аның кыенлыклары һәм киләчәге”. 7-8 ноябрьдә башкалабызда ТФАның Тарих институтындагы Милли мәгариф тарихы һәм теориясе үзәге, ТР Тарих һәм җәмгыять белеме укытучылары берләшмәсе Европа Тарих укытучылары берләшмәсе канаты астында әнә шундый актуаль темага халыкара конференция оештырды.