ЯҢАЛЫКЛАР
Татарстан Республикасы Президенты Рөстәм Миңнеханов бүген РФА Казан фәнни үзәгенең А.Е.Арбузов исемендәге Органик һәм физик химия институты базасындагы яңа халыкара фәнни-инновацион үзәктә булды. Шулай ук анда Фәнни оешмалар федераль агентлыгы җитәкчесе Михаил Котюков, ТР Президенты Аппараты җитәкчесе Әсгать Сәфәров, ТР Премьер-министры урынбасары – ТР мәгариф һәм фән министры Энгель Фәттахов, Россия Фәннәр академиясенең Казан фәнни үзәге рәисе Олег Синяшин, Казан мэры Илсур Метшин, ТР Фәннәр академиясе президенты Мәкзүм Сәлахов һ.б. катнашты.
2015 нче елның 8-13 февраль көннәрендә ТР Дәүләт Советы, муниципаль органнар депутатлары гомуми белем бирү мәктәпләрендә “парламент дәрес”ләре үткәрәчәк. Бу хакта журналистларга Татарстан Дәүләт Советында республиканың төп закон чыгару органының 2016 нчы елгы эшчәнлегенә багышланган матбугат конференциясендә ТР ДС секретаре Лилия Маврина белдерде.
Татарстан Республикасы Премьер-министры урынбасары-мәгариф һәм фән министры Энгель Фәттахов 2016 елның 2 февралендә Казан шәһәре балалалар бакчаларында, шул исәптән "Иң яхшы билингваль балалар бакчасы" Грантын алучы 396нчы һәм 305нче балалар бакчаларында булды.
3-сеннән алып 5-нче февральгә кадәр Казанда “TIAF supported by Automechanika” халыкара автомобиль төзелеше форумы уза. Чара программасы кысаларында автоҗитештерүчеләр автомобиль төзелеше өлкәсендәге алдынгы уңышларын тәкъдим итәчәкләр, ә чимал һәм автокомпонентларны китереп бирүчеләр продукциянең үрнәкләрен күрсәтәчәк. Форум Идел буе төбәкләрендәге автокомпонент индустриясе өчен төп чара булып тора.
2016 елның 29 гыйнварыннан 1 февральгә кадәр "Иннополис" Университетында информатика буенча бөтенроссия мәктәп укучылары олимпиадасының региональ этабы һәм республикакүләм олимпиаданың йомгаклау этабына нәтиҗә ясалды, җиңүчеләр һәм призерларны бүләкләү тантанасы узды. Олимпиадада Татарстан Республикасы мәктәпләреннән 7-8 сыйныфларда укучы 17 бала катнашты.
Казанның Яңа Савин районындагы аерым фәннәр тирәнтен өйрәтелә торган 179нчы мәктәптә ТР Премьер-министры Илдар Халиков һәм ТР Премьер-министры урынбасары – мәгариф һәм фән министры Энгель Фәттахов катнашында ТР Мәгариф һәм фән министрлыгы коллегиясенең узган елдагы эшчәнлеге нәтиҗәләре буенча үткәрелгән йомгаклау утырышы узды.
10-12 февраль көннәрендә “Казан ярминкәсе” күргәзмә үзәгендә “Белем бирү. Карьера” 16нчы махсуслаштырылган күргәзмәсе уздырылачак. Күргәзмә эшендә Россия һәм чит ил шәһәрләренең 70тән артык белем бирү учреждениесе катнашырга җыена.
2016 елның 30 гыйнварында Казанда биология фәненнән бөтенроссия мәктәп укучылары олимпиадасының региональ этабы үтте һәм республикакүләм олимпиаданың йомгаклау этабына нәтиҗә ясалды, җиңүчеләр һәм призерларны бүләкләү тантанасы узды. Олимпиадада барлыгы Татарстан Республикасы мәктәпләреннән 31 укучы катнашты.
Республикада "КЭС-БАСКЕТ" баскетбол лигасы Халыкара Мәктәп Чемпионаты региональ финалы дәвам итә. Финал уеннары 5-7 февраль көннәрендә Зәй шәһәрендә узачак. Чемпионатта Татарстан Республикасы мәктәпләреннән 17 егетләр һәм кызлар командасы катнашачак.
Казанда 6-7 февраль көнне “Бала үсеше һәм тәрбия” темасына белем бирү һәм проектлар төзү мәктәбе “Акыл фабрикасы” узачак. Катнашучылар: ата-аналар, тәрбиячеләр, педагоглар һәм барлык кызыксынучылар!