КФУ һәм Иннополис командалары программалаштыру буенча халыкара чемпионатта катнашачак
1 октябрьдән 6 октябрьгә кадәр Мәскәүдә беренче тапкыр студент-айтишниклар өчен төп ярыш - ICPC программалаштыру буенча халыкара чемпионатның финалы узачак.
Чемпионат - мәгълүмати технологияләр өлкәсендә үзенә күрә Олимпия уеннары. Һәм Россия монда-танылган лидер. Россия студентлары 14 тапкыр дөнья чемпионнары булдылар, өстәвенә, соңгы 8 елда алар җиңүче кубогын кулдан ычкындырмыйлар.
Программалаштыру буенча Чемпионат 1977 елдан бирле үткәрелә. Финал кагыйдәләре беренче карашка гади: өч кешедән торган команда, бер компьютер һәм биш сәгать, мөмкин кадәр күбрәк бурычларны хәл итергә генә кирәк. Чынлыкта, бу бик киеренке интеллектуаль марафонның биш сәгате. Иң кыска вакыт эчендә иң күп бурычларны хәл итсә, ул җиңде дигән сүз.
Быел Мәскәүдә дөньяның 42 иленнән 118 команда "кодлаштыра" - көндәшлек бик зур. Россия командалары - 15. Мәскәү вузларының бишесе-МДУ, МФТИ, МИФИ, МАИ һәм ВШЭ, Санкт-Петербургның өчсе - СПбДУ, ИТМО һәм ВШЭ филиалы командалары. Казан университетларыннан ике команда - Иннополис һәм Казан федераль университеты. - Саратов, Пермь, Түбән Новгород, Ижевск һәм Волгоград вузларыннан бер команда.