"Иннополис" лицее җитәкчесе Надежда Сулимова Россиянең иң яхшы директорлары бишлегенә керде
"Россия Ел директоры-2021" Бөтенроссия һөнәри конкурсының биш призеры билгеләнде.
«Россия Ел директоры – 2021» Бөтенроссия һөнәри конкурсында «Стратегик карар» исеме астында ярышның икенче этапыннан соң призерларны игълан иттеләр. Аларга конкурсның финал этабы барышында илнең Ел директоры исеме өчен көрәшергә туры киләчәк.
Конкурс призерлары булдылар:
Кильдюшкин Владимир Михайлович, «Көньяк шәһәр» мәгариф үзәге директоры (Самара өлкәсе);
Майсурадзе Майя Отариевна, Е.М. Примакова өлкә гимназиясе директоры. (Мәскәү өлкәсе);
Милованова Оксана Владимировна, калуга шәһәренең 13 нче урта гомуми белем мәктәбе директоры (Калуга өлкәсе);
Сулимова Надежда Алексеевна, "Иннополис" лицее директоры (Татарстан);
Тяпугина Инна Валентиновна, "Уңыш алгоритмы " мәгариф комплексы директоры (Белгород өлкәсе).
«Россия Ел директоры – 2021» Бөтенроссия һөнәри конкурсы сынаулары Мәскәү өлкәсендә 6 октябрьдән 8 октябрьгә кадәр уза.
Конкурсның йомгаклау этабы ике өлештән тора: «Педагогик совет» һәм «Матбугат конференциясе». Призерларга Мәскәү өлкәсе мәктәбе коллективы белән педсовет әзерләргә һәм үткәрергә, ә аннары интервьюерларның сорауларына җавап бирергә туры киләчәк. Әлеге ике сынау нәтиҗәләре буенча жюри иң яхшы конкурсантны билгеләячәк. Җиңүче 8 октябрьдә игълан ителәчәк һәм 10 октябрьдә Дәүләт Кремль сараенда узган тантаналы чарада бүләкләнәчәк.