Яр Чаллы Автозавод районының иң яхшы педагогларын мактау тактасына керттеләр
Автозавод районында «Укытучылар көне» һөнәри бәйрәме уңаеннан «Автозавод районы мәгариф лидерлары» мәгариф учреждениеләренең иң яхшы җитәкчеләре һәм педагогик хезмәткәрләренең Мактау тактасын яңарту буенча тантаналы чара узды.
Быел гомуми, мәктәпкәчә һәм өстәмә белем бирү буенча конкурс комиссиясе каравына 41 кандидатура тәкъдим ителде. Комиссия педагогларның мәгариф системасына керткән шәхси өлеше, һөнәри осталык бәйгеләрендә җиңүләре, республика һәм шәһәр олимпиадаларында, конкурсларда, күргәзмәләрдә һәм конференцияләрдә югары күрсәткечләр исәпкә алынды. 2020/2021 уку елы йомгаклары буенча тармакның 21 хезмәткәре сайланды - алар Татарстан Республикасы Мәгариф һәм фән министрлыгының Мактау грамоталарына һәм Рәхмәт хатларына ия булдылар, Бөтенроссия, республика һәм шәһәр һөнәри осталык конкурсларында җиңүчеләр.
Хезмәтләре, һөнәри осталыклары һәм үз эшләренә тугрылыклары өчен Автозавод районы администрациясе башлыгы Винер Харисов, мәгариф идарәсе начальнигының беренче урынбасары Нәркиз Кашапов рәхмәт сүзләре белән мөрәҗәгать иттеләр.
Автозавод районы белем бирү учреждениеләренең иң яхшы җитәкчеләренә һәм педагогик хезмәткәрләренә педагогик осталык, һөнәри эшчәнлекнең югары нәтиҗәләре, муниципаль белем бирү системасын үстерүгә зур өлеш керткән өчен мактау тактасына кертү турында таныклыклар тапшырылды.