Илсур Һадиуллин Бөтенроссия һөнәри конкурслар призерлары белән очрашты
Татарстан Республикасы Мәгариф һәм фән министрлыгында «Россия Ел укытучысы», «Ел тәрбиячесе», «Россия Ел директоры» Бөтенроссия һөнәри бәйгеләре призерлары һәм лауреатлары белән очрашу узды.
Очрашуда 2021 елда «Россия Ел укытучысы» Бөтенроссия конкурсы призеры Мария Голованова, Казан шәһәре Мәскәү районының Ж.А.Зайцева исемендәге 122-нче номерлы гимназиясенең инглиз теле укытучысы, республикага кече Бәллүр пеликан алып килгән Мария Голованова катнашты.
Шулай ук «Россия Ел тәрбиячесе» Бөтенроссия һөнәри конкурсы лауреаты, Лениногорск районының 10 нчы балалар бакчасы тәрбиячесе Виктория Цыганова, «Россия Ел директоры» Бөтенроссия конкурсы призеры, Иннополис лицее директоры Надежда Сулимова, шулай ук җиңүчеләр эшли торган муниципаль районнарның һәм шәһәр округларының мәгариф оешмалары җитәкчеләре һәм бүлек башлыклары чакырылган иде.
Татарстан Мәгариф һәм фән министры Илсур Һадиуллин республикада мәгариф үсешенең югары дәрәҗәсен тагын бер кат раслаган Бөтенроссия һөнәри конкурслары призерларына һәм лауреатларына рәхмәт белдерде. Җиңүчеләргә ТР Мәгариф һәм фән министрының иҗтимагый башлангычларда киңәшчесе булырга тәкъдим итте.
Барлык җиңүчеләргә дә ведомство бүләкләре тапшырылды. Мария Голованова һәм Виктория Цыганованы «Мәгарифтәге казанышлары өчен» күкрәк билгесе, Надежда Сулимованы «Мактаулы остаз» аерым хөрмәтләү билгесе белән бүләкләделәр.