Казанның Халыкара сервис көллияте студентлар өчен яңа төр ресторан ачарга планлаштыра
Казанның Халыкара сервис көллияте студентлар өчен яңа төр ресторан - "читтә эшли торган ресторан" ачарга планлаштыра. Бу хакта белем бирү оешмасына пресс-тур вакытында көллиятнең яшь пешекчеләрен укыту буенча мастер Евгений Сидоренко хәбәр итте.
«Пандемия аркасында кейтеринглар ачыла башлады. Бу-читтә эшли торган ресторан. Читтә эшләү өчен төркем булдырырга телибез. Бу-читтән торып студентлар рестораны булачак, анда без шәһәребез кунакларына хезмәт күрсәтәчәкбез», — дип сөйләде укытучы.
Сидоренко килеп туган эпидемия шартларында күчмә рестораннар һәм ашамлык китерүгә ихтыяҗ зур, дип өстәде.
Көллияттә пешекче, кондитер, кунакханә эше, эстетик хезмәт күрсәтү технологиясе, логистика эшчәнлеге, коммерция юнәлешләре буенча 1,1 меңгә якын студент белем ала.