Татарстанда сәләтле балалар өчен "Геометрия буенча җыеннар" республика профильле сменасы уза

2021 елның 4 ноябре, пәнҗешәмбе

2021 елның 1-7 ноябрендә Сәләтле балалар өчен «Дуслык» балалар белем бирү-сәламәтләндерү комплексы базасында «Геометрия буенча җыеннар» республика профиль сменасы кысаларында 7 нче сыйныф укучылары өчен математика буенча укыту-тренировка җыеннары үткәрелә.

«Геометрия буенча җыеннар» сменасында гомуми белем бирү оешмаларыннан 54 укучы катнаша, алар 2020-2021 уку елында математика буенча мәктәп укучыларының республика олимпиадасының йомгаклау этабында җиңүчеләр һәм призерлар булып торалар.

Җыеннарда геометрия буенча әзерлеккә аерым игътибар бирелә, шулай ук сайланган комбинатор башлыклары, графалар теориясе һәм комбинатор геометриясе өйрәнелә.