Казанлылар «Tatar сүзе - 2022» Халыкара шигырь укучылар конкурсында катнаша ала
Татар телендә шигырьләр, мәсәлләр һәм проза башкаруның видеоязмалары 15 декабрьгә кадәр кабул ителә.
Казанлылар «Tatar сүзе – 2022» татар телендә әдәби әсәрләрне укучылар Халыкара конкурсында катнаша ала. Конкурсантлар шигырьләр, мәсәлләр һәм проза әсәрләрен иң яхшы башкаруда көч сынашачак. Моннан тыш, быел конкурста ике яңа номинация – «Автор-башкаручы» һәм «Шигъри гаилә» барлыкка килде. Барлык номинацияләрдә дә катнашучыларның яше чикләнмәгән.
Конкурс Татар дәүләт филармониясе тарафыннан оештырылды.Тукай исемендәге Татар дәүләт филармониясе ТР Президенты каршындагы татар телен саклау һәм үстерү мәсьәләләре Комиссиясе ярдәме белән оештырылды.
Жюри хөкеменә катнашучылар конкурс өчен махсус булдырылган 5 минуттан да артык булмаган видеоязмалар бирергә тиеш. Экспертлар актерлык осталыгына, дикциягә, костюмга, реквизитка һәм музыкаль бизәлешкә бәя бирәчәк.
Гаризалар 15 декабрьгә кадәр электрон адреска кабул ителә tatarsuze@tatfil.ru яки мессенджер WhatsApp номеры буенча +7(919)690-04-22. Конкурс турында нигезләмә белән сылтама буенча танышырга мөмкин.
Шигырь сөйләүчеләрнең чыгышларын 2022 елның 10 февраленә кадәр бәяләячәкләр, ә нәтиҗәләр 21 февральдә Халыкара туган тел көнендә узачак гала-концертта тәкъдим ителәчәк.