Азнакай районында «Үсеш ноктасы» мәгариф үзәкләре эшен тәкъдим иттеләр

2021 елның 2 декабре, пәнҗешәмбе

Азнакай районында “Үсеш ноктасы” мәгариф үзәкләре төзелгән гомуми белем бирү оешмалары җитәкчеләре өчен республика семинары кысаларында 2019, 2020, 2021 еллар үзәкләренең эш тәҗрибәсен тәкъдир итү оештырылды.    

“Заманча мәктәп” федераль программасы кысаларында 2019 елдан бирле 11 мәктәп базасында “Үсеш ноктасы” мәгариф үзәкләре ачылды, аларда цифрлы, техник, табигый фәннәр һәм гуманитар профильле белем бирү программалары тормышка ашырыла.

«Үсеш ноктасы» мәгариф үзәге» семинарына укучыларның заманча компетенцияләрен формалаштыру ресурсы буларак Татарстан Республикасының 28 районыннан 75 директор килде.