Талантлар университеты өстәмә белем бирү педагоглары өчен белем бирү программасын эшләтеп җибәрә
1 декабрьдә “Талантлар - 2021” республика форумы кысаларында “МетодКружок” ачык белем бирү программасы старт ала. Ул “Кванториум” өстәмә белем бирү үзәкләре җитәкчеләре, белгечләре һәм педагогларына, шулай ук талантларга үз проектларын булдырырга ярдәм итүчеләрнең барысына да исәпләнгән.
«МетодКружок» - өстәмә белем бирү кысаларында укучылар белән тәҗрибә алмашу һәм иң яхшы эш тәҗрибәләрен өйрәнү өчен мәгариф мәйданчыгы. Рәсми булмаган шартларда иҗади һәм үсә торган педагоглар бергәләп балалар кыйммәтләренә ничек якын булырга, аларны өстәмә белем алуга нинди форматлар белән нәтиҗәле җәлеп итәргә мөмкин, шулай ук төрле форматларда эшләү өчен нинди методикалар бар икәнен ачыклаячак.
Программа декабрьдән алып гыйнварга кадәр барачак. Бу вакыт эчендә уңышлы педагоглар һәм методистлар белән очрашулар узачак, алар катнашучыларга социаль челтәрләрне нәтиҗәле алып бару, дистанцион белем бирү инструментлары һәм проект методлары турында сөйләячәк.