Татарстанда ссузлар студентлары локаль Web-ресурс булдыру буенча фрилансерлар конкурсында ярыштылар

2021 елның 6 декабре, дүшәмбе

30 ноябрь көнне Бөгелмә машина төзелеше техникумы базасында локаль Web-ресурс булдыру буенча фрилансерлар конкурсы узды.

Чарада Татарстан Республикасы урта һөнәри белем бирү учреждениеләреннән 34 студент катнашты. Конкурс ике этаптан торды:

1 этап (теоретик) - фрилансер квалификациясен раслау. Предмет өлкәсендә тест рәвешендә белемнәрне тикшерү;

2 этап (гамәли) - теләсә кайсы телне кулланып, локаль  Web-ресурс булдыру, техник бирем буенча верстка өчен программалаштыру.

Жюри конкурсның җиңүчеләре һәм номинантлары булган конкурсантларның куелган бурычларын төгәл үтәвен һәм иҗади якын килүен билгеләде.