Татарстанда 2022 елда 230дән артык мәктәп азык-төлек блогын ремонтлау планлаштырыла

2021 елның 7 декабре, сишәмбе

Киләсе елда Татарстанда республика программасы буенча 236 мәктәптә азык-төлек блогын ремонтлау планлаштырыла. Бу хакта ТР мәгариф һәм фән министры Илсур Һадиуллин Instagram социаль челтәрендә оештырылган туры эфир вакытында хәбәр итте.

Мәгариф һәм фән министрлыгы башлыгы Татарстанда мәктәп азык-төлек блокларын ремонтлау буенча яңа республика программасы кабул ителүен искәртте. Аны гамәлгә ашыру өчен быел 1 млрд сум акча бүленгән.

«Быел 198 мәктәптә азык-төлек блокларына капиталь ремонт ясалды. Заманча җиһазлар сатып алдык һәм җиһазландырдык», - дип сөйләде ул.

Хәдиуллин шулай ук республикада урта һөнәри белем бирү учреждениеләренең тулай торагы да ремонтлана, дип өстәде.