Рафис Борһанов: Сезне шушы сәхнәдә, вуз студентлары, лидерлар һәм җиңүчеләр сыйфатында күрермен дип өметләнәм!
Бүген Идел буе дәүләт физик культура, спорт һәм туризм университетында ачык ишекләр көне узды. Казанның, Татарстанның муниципаль районнарының һәм илнең төрле почмакларының 400 тирәсе абитуриенты һәм ата-аналары вуз белән танышырга карар кылды. Ә килә алмый калганнар өчен ачык ишекләр көне турыдан-туры онлайн-эфирда үткәрелде.
Чара укыту-лаборатория корпусының зур концерт залында ачылды. Абитуриентлар алдында Идел буе университеты ректоры вазыйфаларын башкаручы Рафис Борһанов чыгыш ясады.
- Мине сезнең вуз белән кызыксынуыгыз һәм бу матур, салкын көндә бирегә килүегез бик сөендерә, - дип мөрәҗәгать итте Рафис Борһанов аудиториягә. - Тиздән без вузның 50 еллыгын бәйрәм итәчәкбез. Безнең корылмаларыбыз Универсиада объектлары буларак, Олимпиада объектларына карата таләпләргә туры китереп төзелгән. Нәтиҗәдә, без уку, фәнни һәм тренировка процессы оештырылган 300 мең квадрат метр мәйданга ия. Аларның булуы һәм югары таләпләргә туры килүе биредә иң яхшы спортчылар һәм танылган тренерлар катнашында эре халыкара ярышлар, дөнья, Европа, Россия чемпионатлары уздыруга бәйле. Алар барысы да инде күптән безнең хөрмәтле кунакларыбыз булып саналалар, моннан тыш, безнең мәйданчыкларда тулы хокуклы остазлар булып эшлиләр. Димәк, сез югары спорт осталыгы һәм тренерлык сәнгате күренешләрен үз күзләрегез белән күзәтә аласыз! Бер елдан соң сезне дә бу сәхнәдә безнең командаларның лидерлары, спорт, фәнни конкурслар һәм олимпиадаларда җиңүчеләр буларак күрербез дип өметләнәм.