Чаллыда 2022 елда 1,5 мең укучыга исәпләнгән яңа мәктәп барлыкка киләчәк
Яр Чаллыда 2022 елның 1 сентябренә 1,5 мең укучыга исәпләнгән яңа мәктәп төзеләчәк. Бу хакта бүген аппарат киңәшмәсендә Автошәһәр мэры Наил Мәһдиев хәбәр итте.
«69 нчы комплекста 1,5 мең урынга исәпләнгән яңа мәктәп төзелешен башлау турында Карар кабул ителде. Төзүчеләр мине ишетә. 2022 елның 1 сентябренә, тугыз айдан соң, яңа мәктәп ишекләрен ачу бурычы тора», - дип билгеләде шәһәр башлыгы.
Узып баручы елда Чаллыда берьюлы ике мәктәп — Замелекесьеда 14 нче гимназия һәм 59 нчы «Адымнар» гимназиясе ачылды.
«Без 2015 елда ел саен бер мәктәп төзиячәкбез, дидек. Без үз сүзебезне тотабыз, - диде ул. — Бу еллар эчендә шактый күп мәктәп төзелде. Һичшиксез, бу-Татарстанның беренче Президенты Минтимер Шәрип улы Шәймиев ярдәме. Аның инициативасы буенча шәһәрдә полилингваль мәктәп ачылды. Бу матур урында иң заманча мәктәп».