Бүген - математикадан Бердәм дәүләт имтиханы

Бүген унберенче сыйныфны тәмамлаучылар математикадан Бердәм дәүләт имтиханы тапшыра. Әлеге имтиханда катнашырга теләп, 21107 кеше заявка биргән. Билгеле булганча, математика һәм рус теленнән БДИ тапшыру барлык укучыларга да мәҗбүри.
Быел Бердәм дәүләт имтиханын тапшыруның гадәттәгечә вакыты 27 майдан алып 19 июньгә кадәр билгеләнгән. 30 майда - информатика һәм информацион-коммуникацион технологияләр (ИКТ), биология, тарихтан; 3 июньдә – математикадан; 6 июньдә – чит телләр, физикадан; 10 июньдә – җәмгыять белеме, химиядән; 13 июньдә – география, рус әдәбиятыннан сынау тотарга мөмкин.
Бу көннәрдә ниндидер җитди сәбәп белән имтихан бирмәүчеләр яки имтихан эшләрен тәмамлый алмаучылар, шулай ук Дәүләт имтихан комиссиясе тарафыннан БДИ нәтиҗәләре кире кагылган укучылар өчен 15,17, 18 һәм 19 июньдә резерв көннәр куелган.
27 майдан алып 13 июньгә кадәр БДИны 2013 елда мәктәп тәмамлаучылар; урта (тулы) гомуми белемне чит илләрдә алучылар тапшыра ала.
Бу елда БДИ тапшыруның өстәмә вакытлары 8 июльгә (рус теле, химия, тарих, информатика һәм информацион-коммуникатив технологияләр (ИКТ); 10 июльгә (математика, география, биология, чит телләр (инглиз, француз, немец, испан телләре); 12 июльгә (җәмгыять белеме, рус әдәбияты, физика); 15 июльгә (барлык гомумбелем предметлары) туры килә. Бу срокларда узган елларда мәктәпне, һөнәри белем бирү учреждениеләрен тәмамлаучылар тапшыра ала.
Быел мәктәп тәмамлаучы, рус теле яки математиканы “икеле”гә тапшыручылар өчен дә аерым көннәр куелган. 31 майда – рус телен, 7 июньдә – математиканы, 7 июльдә – рус телен, 10 июльдә математиканы, 16 июльдә рус теле һәм математиканы тапшырырга мөмкин.
Бердәм дәүләт имтиханы РФ субъектларында җирле вакыт белән иртәнге сәгать унда (10:00) башланды