Татар әдәбияты буенча татар мәктәпләрендә укучылар өчен татар телендә белем бирү олимпиадасы тәмамланды
31 нче гыйнвардан 2 нче февральгә кадәр “Дуслык” балалар һәм яшүсмерләр спорт комплексы базасында татар мәктәпләре укучылары өчен татар әдәбияты буенча республика олимпиадасының йомгаклау этабы булып узды. Анда Татарстанның бюджет гомуми белем бирү оешмаларыннан 7-11 сыйныф укучылары катнашты.
Олимпиадада республиканың 34 муниципаль районыннан, шулай ук Казаннан һәм Яр Чаллыдан 183 укучы катнашты.
Җиңүчеләр:
- Сиринә Борханова, Биектау районы Мүлмә урта мәктәбенең 7 сыйныф укучысы;
- Карина Гыйльфанова, Зәй районы Кадыйр урта гомуми белем бирү мәктәбенең 8 сыйныф укучысы;
- Сөмбел Хәбибуллина, Лениногорск районы Ормышлы төп гомуми белем бирү мәктәбенең 9 сыйныф укучысы;
- Айлия Хаҗиева, Саба районы Тимершык урта гомуми белем бирү мәктәбенең 10 сыйныф укучысы;
- Диана Зәйдуллина, Кама Тамагы районы Иске Казиле урта гомуми белем мәктәбенең 10 сыйныф укучысы;
- Гүзәл Сөнгатуллина, Мамадыш районы Олыяз лицееның 11 сыйныф укучысы.
Республиканың 24 муниципаль берәмлегеннән, шулай ук Казаннан һәм Яр Чаллыдан килгән укучылар призерлар булды.