Сораштыру: гаиләләр дистанцион уку формасына катлаулык белән җайлаша, ләкин күпчелек - гадәти белем алу ысулын якын күрә
Россия гаиләләре үз балаларын дистанцион укытуга акрынлап җайлаша. Уңай бәяләмәләр өлеше 2021 елның марты белән чагыштырганда бераз арткан, әмма күпчелек ата-аналар шулай ук мәктәп укучыларын онлайн-укытуга каршы. SuperJob эш эзләү сервисы тарафыннан үткәрелгән сораштыру нәтиҗәләре әнә шундый.
"Бу уку елында 10 ата-ананың алтысы диярлек коронавирус аркасында дистанцион укуга күчү белән очрашкан. Аларның 39% мондый уку баланың белеменә тискәре йогынты ясады, дип саный, тагын 44% дистантны гомумән начар әйбер, дип уйлый", - диелә тикшеренүдә.
Белем бирүнең мондый формасын бер мәгънәдә 3% респондент хуплый, 14% аңа күбрәк уңай карый. Әлеге ата-аналар балаларының коронавирус белән авырмауларына һәм йөкләнешне киметү аркасында аларның азрак ял итә алуларына шат.