Татарстанда «Ел тәрбиячесе» конкурсының зона этаплары башлана
Мәктәпкәчә белем бирү программасын гамәлгә ашыручы талантлы педагогларны ачыклау һәм аларга ярдәм итү, шулай ук алдынгы тәҗрибәне тарату максатларында «Ел тәрбиячесе-2022» республика һөнәри конкурсы уздырыла.
10 февральдән 2 мартка кадәр конкурсның зона этабында Татарстанның балалар бакчаларында 107 педагог - конкурста җиңүчеләр һәм призерлар катнашачак.
Конкурс 10 муниципаль районның мәктәпкәчә белем бирү оешмалары базасында узачак: Әгерҗе, Әлмәт, Арча, Буа, Мамадыш, Чирмешән, Чистай, Ютазы, шулай ук Яр Чаллы һәм Казанда.
Конкурсның зона этабы бер тема белән берләшкән 2 үзара бәйле чараны үз эченә ала:
«Минем педагогик табышым»;
«Балалар белән педагогик чара».
«Ел тәрбиячесе-2022» республика һөнәри конкурсы йомгаклары буенча финалның 20 катнашучысы билгеләнәчәк.
Конкурс финалы 2022 елның мартында узачак.