2022 елда Алабугада мәгариф учреждениеләрен ремонтлауга 30 млн сум юнәлдереләчәк
2022 елда мәгариф учреждениеләрен ремонтлауга һәм Алабуга районында заманча мәгариф тирәлеге булдыруга 30 млн сум юнәлдереләчәк.
«Мәгариф» милли проекты һәм республика программалары ярдәмендә 2021 елда 9 нчы урта мәктәпкә, «Үсеш ноктасы» функциональ зоналарына капиталь ремонт ясалды, 7 мәктәп ашханәсе һәм азык-төлек блогы ремонтланды.
Муниципаль бюджет акчасына 18 нче балалар бакчасы территориясендә асфальт-бетон өслекләр ремонтланды, 13 нче балалар бакчасы җылылык узелын күчерү, Поспеловск мәктәбе һәм Бехтерево авылларында түбә ремонтланды, Лекарево, Яковлево мәктәпләре биналарын ремонтлау эшләре башкарылды. Лекарево мәктәбе базасында балалар бакчасы ачылды.
Гомумән алганда, 2021 елда Алабуга районында мәгариф учреждениеләрен ремонтлауга 30 млн сум җибәрелгән. Авыл мәктәпләрен педагогик кадрлар белән тәэмин итү максатында шәһәр җитәкчелеге «Мобиль укытучы» проектын башлап җибәрде, аның кысаларында ике педагогка җиңел автомобильләр тапшырылды.