Төрле төбәкләрдән педагоглар «Булачак физтехлар остазы» программасында катнаша ала
МФТИ гамәли математика һәм информатика физтех-мәктәбе төбәкләрдә остазлык системасын үстерә.
Мәктәп белгечләре сәләтле мәктәп укучылары белән эшләү системасын формалаштырдылар, бу система берничә эшчәнлек юнәлешен үз эченә ала, аларның берсе педагоглар белән эшләүгә юнәлтелгән, әлеге программа «Булачак физтехлар остазы» дип атала.
Математика һәм информатиканы популярлаштыру белән кызыксынган студентлар, төрле төбәкләрдән килгән талантлы балаларны укыту өчен остазлар була ала.
Моның өчен аларга сайлап алуның берничә этабын узарга туры киләчәк. Физтех-мәктәпләренең уку офисы белгечләре гаризалар җибәргән яшьләрнең остазлары белән элемтәгә чыгачак һәм алар турында белешәчәк. Аннары шәхси әңгәмәдә әлеге яшьләрнең мотивацияләү дәрәҗәсе бәяләнә, һәм шуннан соң алар эшкә керешә ала: укучылар белән шөгыльләнә, олимпиада биремнәрен хәл итә, җәйге мәктәпләр эшендә катнаша һ.б.
Хәзерге вакытта остазлык программасы инде 13 төбәкне колачлый, студент-остазлар саны инде 40 кешедән артып киткән.