Россия Мәгариф министрлыгы балалар бакчасына документлар бирү процедурасын гадиләштерәчәк
Балалар бакчасына документлар тапшыру процедурасы ата-аналар өчен җиңелрәк булачак. Хәзер региональ мәгълүмат системаларында шәхси мәгълүматларны эшкәрткәндә бала туу турында таныклык реквизитларын түгел, ә баланың тууын дәүләт теркәвенә алу турындагы мәгълүматларны эшкәртү башкарылачак. Тиешле закон проекты норматив хокукый актлар проектларының рәсми порталында урнаштырылган.
«Һәр ата-ана артык кыенлыкларсыз һәм баланы балалар бакчасына мөмкин кадәр уңайлы итеп теркәргә тиеш. Яңа документ мондый мөмкинлекләр бирә: ул ата-аналардан кәгазь рәвештә өстәмә документлар җыю кирәклеген туктатачак», - дип шәрехләде мәгариф министры Сергей Кравцов.
Хәзерге вакытта мәктәпкәчә белем алу мөмкинлегенең төбәк мәгълүмат системаларында шәхси мәгълүматларны, шул исәптән бала туу турында таныклык реквизитларын эшкәртү гамәлгә ашырыла, ә ул кәгазь формада бары тик гариза бирүче теләге белән генә башкарыла. Бу ата-аналар өчен билгеле бер кыенлыклар тудырды.
Закон проекты 2022 елның 1 сентябреннән региональ мәгълүмат системаларында шәхси мәгълүматлар өлешендә бала туу турында таныклык реквизитлары түгел, ә аның тууын дәүләт теркәвенә алу турындагы мәгълүматлар эшкәртеләчәк, дип күздә тота.