Казан укучылары Тимур Митрофанов һәм Ләйлә Миңнегулова Россия милли юниорлар су конкурсы финалында катнашачаклар
20-23 февральдә мәктәп укучыларының XXVIII Идел буе фәнни экологик конференциясе булып узды. Конференциягә 158 эш (167 катнашучы) игълан ителгән иде, көндезге этапка – 128 эш җибәрелде.
Конференциянең турыдан-туры этабында Татарстанның 16 муниципаль районыннан, шулай ук Башкортстаннан, Марий Эл, Мордовия, Чувашия, Оренбург өлкәсеннән, Пермь краеннан, Ульяновск өлкәсеннән һәм Санкт-Петербургтан 117 укучы катнашты.
Конференция эше 7 секция буенча алып барылды: гомуми экология, биологик төрлелекне саклау, урбанизацияләнгән территорияләр экологиясе, индустриаль һәм химия экологиясе, биоиндикация һәм биомониторинг, су ресурсларын саклау һәм рациональ файдалану, агроэкология.
Конференциядә җиңүчеләр:
Марина Шәрәфиева (9 сыйныф, Питрәч районы Богородская урта гомуми белем бирү мәктәбе);
Ясмин Вафина һәм Ләйлә Миңнегулова (10 сыйныф, Казан шәһәре Совет районының 121 – нче номерлы лицее); Эрика Хәйретдинова (11 сыйныф), Никита Найденов (9 сыйныф), Тимур Митрофанов (10 сыйныф), Казанның Совет районының лицей – инженерлык үзәге-Казан шәһәре Совет районының «Танкодром» балалар иҗаты үзәгендә тәрбияләнүчеләр;
Булат Идиатуллин (9 сыйныф), Владимир Хомяков (11 сыйныф), Лилия Аптекарь (11 сыйныф, КФУның Н.И. Лобачевский исемендәге лицее);
Әмир Зарипов (8 сыйныф, Казан шәһәре Совет районының аерым фәннәрне тирәнтен өйрәнүле 86 нчы урта гомуми белем бирү мәктәбе);
Таисия Ревякина (10 сыйныф, Яр Чаллы шәһәренең 26 нчы гимназиясе).
Татарстанның 3 муниципаль районыннан (Арча, Бөгелмә, Мөслим), Яр Чаллы һәм Казаннан, шулай ук Идел буе төбәкләреннән (Башкортостан, Марий Эл, Чувашия, Пермь крае, Ульяновск өлкәсе) һәм Санкт-Петербургтан 34 укучы призер булды.
«Су ресурсларын саклау һәм рациональ файдалану» секциясе кысаларында Юниорларның Россия милли су конкурсының төбәк этабы узды. Аның җиңүчеләре-казанлылар Тимур Митрофанов һәм Ләйлә Миңнегулова-Татарстан данын Мәскәүдә узган конкурсның федераль этабында яклаячак.