«Ростелеком» һәм .RU/.РФ Координация үзәге VI Бөтенроссия гаилә ИТ-марафонында катнашырга чакыралар
«Ростелеком», Инновацион белем бирү һәм үсеш Академиясе һәм .RU/.РФ Координация үзәге VI Бөтенроссия гаилә ИТ-марафонына теркәлүне ачу турында хәбәр итә. Катнашырга 5-11 сыйныф укучыларыннан, аларның әти-әниләреннән, туганнарыннан яки якын дусларыннан, шулай ук мәгариф оешмаларының идарәче советлары әгъзаларыннан торган гаилә командалары чакырыла. ИТ-марафон 2022 елның 2 мартыннан 27 апреленә кадәр «Интернетны өйрән - аның белән идарә ит!» проектының рәсми сайтында узачак. Катнашучыларны теркәү 12 апрельгә кадәр дәвам итәчәк. Нәтиҗәләр 13 майда Халыкара гаилә көне алдыннан узачак Бөтенроссия ата-аналар форумы кысаларында игълан ителәчәк.
Ярышлар ике этапта узачак. Беренче этап-иҗади бирем, анда катнашучыларга «Киләчәкнең цифрлы технологияләре» яисә «Интернетта мәдәният һәм мәгълүмати иминлек» темасына видеоролик төшерергә һәм жюрига тәкъдим итәргә туры киләчәк. Икенче этап — онлайн-турнир, ул «Киләчәкнең цифрлы технологияләре» (виртуаль һәм өстәмә чынбарлык-VR[1], AR[2], телемедицина, робототехника, ясалма интеллект, криптовалют һәм блокчейн, әйберләрнең сәнәгать интернеты, куркынычсызлык) темасына берләштерелгән 24 биремнән тора.
Җиңүчеләрне оештыручылардан дипломнар һәм кыйммәтле бүләкләр көтә. Призлы урыннар алмаган онлайн-турнирда катнашучылар исемле электрон сертификатлар алачак.