Татарстанда укытучыларны психология нигезләренә өйрәтергә планлаштыралар
Бүгенге көндә барлык сыйныф җитәкчеләрен психология нигезләренә өйрәтү, хәвефле симптомнарны иртә стадиядә күреп, мәктәп психологына мөрәҗәгать итү бурычы куелган. Бу хакта балаларның психологик сәламәтлегенә багышланган турыдан-туры эфирда республиканың Мәгариф һәм фән министры урынбасары Алсу Әсәдуллина сөйләде.
Эксперт фикеренчә, төп проблема-гаилә эчендәге мөнәсәбәтләр һәм ата-аналар белән мөнәсәбәтләр. «Минем тәҗрибәмдә бу иң авыры, чөнки барлык өлкәннәр дә баланы кабул итәргә һәм аңа аның проблемалары белән ярдәм итәргә әзер түгел. Безнең төп бурыч - өлкәннәрне бала проблемаларын вакытында күрергә һәм баланың алдагы тормышы тагын да имин булсын өчен вакытында ярдәм итәргә өйрәтү», - дип билгеләп үтте Әсәдуллина.
Шулай ук Әсәдуллина ата-аналарны белгечләргә ярдәм сорап мөрәҗәгать итүдән курыкмаска чакырды.
Татарстан мәгариф системасында мондый ярдәм Казанда «Росток» психологик-педагогик тернәкләндерү һәм коррекция үзәгендә, Алабуга, Түбән Кама һәм Яр Чаллы муниципаль психологик-педагогик медик-социаль үзәкләрендә, шулай ук 23 муниципаль психологик-педагогик хезмәттә күрсәтелә.