Актаныш “Ел укытучысы” бәйгесе эстафетасын Тәтеш районына тапшырды
28 февраль - 1 март көннәрендә Татарстанның Актаныш районында “Ел укытучысы” Бөтенроссия конкурсының зона этабы узды.
Актаныш районы Мөслим, Сарман, Актаныш, Түбән Кама һәм Зәй районнарының муниципаль этапларында җиңүчеләр булган конкурсантларны каршы алды.
Актаныш районы башлыгы Энгель Фәттахов шәхсән үзе укытучыларны сәламләде һәм уңышлар теләде. Барлык конкурс сынаулары сәләтле балалар өчен гуманитар гимназия-интернат базасында узды, ул конкурста катнашучыларны ачык йөз белән каршылады. Дәресләрдә балалар предмет дисциплинасын гына түгел, чит телне өйрәнүнең югары дәрәҗәсен дә күрсәттеләр.
Актаныш районы эстафетаны Тәтеш районына тапшырды, анда 2 һәм 3 мартта Советлар Союзы Герое П.С. Ханжин исемендәге 1 нче урта гомуми белем бирү мәктәбе базасында Кама Тамагы, Апас, Кайбыч, Тәтеш, Чүпрәле һәм Буа районнары укытучылары һөнәри осталыкларын күрсәттеләр.