Татарстан укучылары һәм студентлары «PROинтерес» профориентация фестивалендә катнаша ала
Фестиваль Round платформасы базасында Татарстан яшүсмерләрен һәм яшьләрен профориентацияләү максатыннан уздырыла, аңа «Round» кушымтасы (Android ОС белән гаджетларны кулланучылар өчен) һәм URL: https://round.zone/ кушымтасының веб-версиясе керә.
Фестиваль 1 марттан 15 апрельгә кадәр ROUND кушымтасы мәйданчыгында узачак! Анда 10 яшьтән 21 яшькә кадәрге яшүсмерләр һәм яшьләр катнаша ала. Фестивальне оештыручылар: ТР Министрлар Кабинеты, ТР Мәгариф һәм фән министрлыгы; ТР Сәнәгать һәм сәүдә министрлыгы, «ТР Муниципаль берәмлекләре Советы» ассоциациясе һәм Round кушымтасы.
Фестивальне уздыруга Татарстанның квалификацияле хезмәткәрләре җитешми торган 14 эре компаниясе ярдәм итә.
Алар арасында - генераль партнерлар өчлеге: «ТрансТехСервис», «Нәфис Косметикс» һәм «Татхимфармпрепараты».