Чаллыдагы балалар бакчаларында сөйләме авыр булган балалар өчен төркемнәр төзиләр
Яр Чаллы балалар бакчаларында мөмкинлекләре чикләнгән балалар өчен төркемнәр оештырылачак. Бу хакта Мэриядә узган матбугат конференциясендә мәгариф идарәсе башлыгы Рөстәм Хуҗин хәбәр итте.
«Шулай итеп, узган ике ел эчендә шундый 20 төркем ачылды, быел өстәмә тагын биш төркем формалаштыру планлаштырыла», — дип хәбәр итте спикер.
2022-2023 уку елына Яр Чаллы балалар бакчаларында якынча 6,5 мең урын планлаштырылган, шул исәптән 5 мең урын — бер яшьтән өч яшькә кадәрге балалар өчен.
1 апрельдән Татарстанда балалар бакчаларына һәм мәктәпләргә балаларны кабул итү кампаниясе старт ала. 25 мартка кадәр белем бирү учреждениеләре территорияне беркетү турында приказ урнаштырачаклар, аның нигезендә документлар тапшырырга мөмкин булачак.
Документлар ике этапта кабул ителә. 1 апрельдән 30 июньгә кадәр боерыкта беркетелгән территориядә яшәүче балалар һәм 6 июльдән 5 сентябрьгә кадәр өстенлекле хокуклы балалар — башка йорт балалары өчен документлар тапшырыла. Документлар шәхсән яки электрон формада бирелә.