Педагогларны "Сириус" үзәгенең әдәби иҗат буенча апрель программасы кысаларында стажировкага чакыралар

2022 елның 12 марты, шимбә

"Сириус" үзәгенең стажировкалар үтү буенча программаларына теркәлү ачылды. Конкурсның сайлап алу этабында катнашу өчен гаризалар 2022 елның 24 мартына кадәр кабул ителә.

Стажировка 7-23 апрельдә Сочида узачак. Программа рус теле (һәм/яки әдәбият) укытучылары буларак 5 елдан да артык эшләмәгән яшь белгечләргә юнәлтелгән.

Конкурсның сайлап алу этабында катнашучыларга гариза биргән вакытта үз авторлык программаларын, шулай ук рекомендация һәм мотивация хатларын беркетергә кирәк.