Әлмәт һөнәри көллиятендә директор алышынды

2022 елның 14 марты, дүшәмбе

11 март көнне ТР Мәгариф һәм фән министрлыгының һөнәри белем бирү идарәсе җитәкчесе Андрей Федоров Әлмәт һөнәри көллияте коллективына яңа җитәкчене тәкъдим итте.

17 февральдән Татарстан мәгариф һәм фән министры Илсур Хәдиуллин боерыгы белән әлеге вазифага Анжела Шәрипова билгеләнде.

Колледж җитәкчелеге алдына көллиятне үстерү, яңа юнәлешләр ачу, конкурентлыкка сәләтле белгечләрне һәм һәрьяклап үскән шәхесне алга таба әзерләү өчен предприятиеләр белән шартнамәләр төзү бурычы куелган.

ТР Мәгариф һәм фән министрлыгы исеменнән Андрей Федоров һөнәри техник белем бирү системасында күпьеллык өлеше өчен 2018 елдан 2021 елга кадәр Әлмәт һөнәри көллияте җитәкчесе Гүзәлия Бакиевага рәхмәт хаты тапшырды.