Бөтенроссия ачык ата-аналар җыелышында балаларны фейк яңалыклардан ничек саклап калу турында сөйләделәр
"Балалар белән генә түгел, өлкәннәр белән дә сөйләшү өчен катлаулы булган темалар бар. Без үз җыелышларыбызда ата-аналардан килгән сорауларга экспертлар белән бергә җаваплар әзерлибез. Безнең бурыч - профессиональ киңәшләр бирү, ә ата-ана әлеге киңәшләрне киләчәктә кулланамы, юкмы - үзләре хәл итә", - дип билгеләп үтте Россия Фәннәр академиясенең тәрбия институты директоры Наталья Агре.
Петр Ишков, хәрби тарих өлкәсендә эксперт, тарихи публикацияләр һәм уку әсбаплары авторы фейкларның нәрсә икәнен һәм кешеләр аларны ничек тудыруларын, үз карашларын сакларга омтылуларын сөйләде. Ул фейк яңалыкны чын яңалыктан ничек аерырга икәнлеген аңлатты.
Аның сүзләренә караганда, фейкларга «Гомумиләштерелгән мәгълүмат, тикшерергә ярамый торган берәр фактның күренеше» хас. Бу мәгълүмат шулай ук бик ачык түгел һәм вакыйганың килеп чыгышының конкрет вакытын һәм урынын күрсәтми.
Мәскәү дәүләт психологик-педагогик университетының федераль координация үзәгенең ашыгыч психологик ярдәм күрсәтү бүлеге җитәкчесе Анна Ермолаева эфир вакытында мәгълүмат сугышларыннан балалар ни өчен ныграк зыян күрә һәм аларны ялган мәгълүмат йогынтысыннан ничек сакларга кирәклеген сөйләде. Аның сүзләренә караганда, ата-аналарга мәгълүмат киңлеген булдыру өчен үз җаваплылыгын аңларга кирәк, чөнки нәкъ менә ул балага йогынты ясый.
Эфирны «Династия» кинокомпаниясенең генераль продюсеры, ике бала анасы Наталья Мәйданова үткәрде.