"Абилимпикс" төбәк чемпионатлары старт алды
Россия Федерациясе субъектларында инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатлары башланды. Чемпионат "Россия - мөмкинлекләр иле" президент платформасы проектларының берсе булып тора һәм Россия Мәгариф министрлыгы ярдәмендә уздырыла.
Төбәк чемпионатларында җиңүчеләр ел саен уза торган "Абилимпикс" Милли чемпионатының гомумроссия финалына уза, ә Милли чемпионатның иң яхшы катнашучылары Россиянең "Абилимпикс" милли җыелма командасы составына керәчәк һәм безнең илне халыкара дәрәҗәдә тәкъдим итәчәк.
2022 елда төбәк чемпионатларында катнашуга 130 компетенция буенча 14 меңгә якын кеше әзерләнә. Һәр субъектта компетенцияләр сайлау төбәк икътисады таләпләренә җавап бирә, шулай ук төбәкнең милли һәм этномәдәни үзенчәлекләрен чагылдыра торган региональ үзенчәлекне үз эченә ала, мәсәлән, «Чуваш чигүе», «Кыстыбый әзерләү» яки «Бурят буузы». Конкурс биремнәре һөнәрләрне исәпкә алып эшләнгән, алар буенча катнашучылар компетенцияләрне уңышлы үзләштергәннән соң эшкә урнаша алачак.