"Сириус" лицеенда робототехника буенча ярышлар узачак
"Сириус" Президент лицеенда 16-17 апрельдә робототехника буенча ярышлар узачак, дип хәбәр итә ТАСС лицей матбугат хезмәтенә сылтама белән.
Аларда остазлар җитәкчелегендә 4-18 яшьлек командалар һәм индивидуаль катнашучылар катнаша ала.
Ярышларның максаты - балалар арасында инженерлык һөнәрләренең абруен күтәрү һәм фәнни-техник иҗатны популярлаштыру.
"Сириус"та робототехника буенча ярышлар икенче тапкыр узачак. Быел ярышлар 11 номинация буенча уздырыла, алар арасында ике яңа юнәлеш барлыкка килде - "3D-моделирование", анда катнашучылар өч үлчәмле модель төзергә һәм аны 3D-принтерга бастырырга тиеш, "Робо-денс", анда балалар биюче роботларны җыячак.
Катнашучылар теләсә нинди традицион җайланмаларны куллана ала. Номинациягә карап, робот алдан ук яки ярышлар көнендә мәйданчыкта җыела.
Катнашу бушлай, заявкалар 31 мартка кадәр кабул ителә.