Рособрнадзор: мәҗбүри БДИ санын арттыру планлаштырылмый

2022 елның 25 марты, җомга

Рособрнадзор БДИ кысаларында мәҗбүри имтиханнар санын арттырмаячак. 

Элегрәк, 24 мартта, Дәүләт Думасында тарихи агарту буенча ведомствоара комиссия утырышында мәктәп укучылары өчен тарих буенча мәҗбүри БДИ кертү тәкъдим ителде. Мәгълүмат сәясәте, мәгълүмат технологияләре һәм элемтә буенча Дума комитеты башлыгы Александр Хинштейн сүзләренчә, катгый мәҗбүри таләпләрсез күпчелек балалар тарихны тирәнтен өйрәнергә теләми.

"Хәзерге вакытта БДИ предметларын тапшыру өчен мәҗбүри булганнарның санын арттыру планлаштырылмый", - дип хәбәр иттеләр ТАСС Рособрнадзорда.

Исегезгә төшерәбез, бүген чыгарылыш сыйныф укучылары мәҗбүри булган рус теле һәм математика буенча БДИ тапшыралар.