«Сириус» үзәгенең «Үсемлекләр агробиологиясе һәм генетикасы» сентябрь программасына заявкалар кабул ителә башлады
«Сириус» үзәгенең «Үсемлекләр агробиологиясе һәм генетикасы» сентябрь программасына гаризалар кабул итү башланды. Теркәлү 2022 елның 17 апреленә кадәр уза. Катнашырга 8-10 сыйныф укучыларын чакыралар.
Сайлап алу ике турны үз эченә ала. 4 апрельдән 28 майга кадәр дистанцион укыту-сайлап алу курсы узачак, ул онлайн-тест белән тәмамланачак. Аннары кандидатларга программа җитәкчесе тәкъдим иткән гамәли бурычны үтәргә туры киләчәк. Карарлар 23 июньгә кадәр кабул ителәчәк.
Смена 1-24 сентябрьдә Сочида узачак. Катнашучыларны үсемлекләрнең молекуляр генетикасы һәм селекциясе, транскриптомика, метаболомика, биотехнологияләр (ген инженериясе элементлары белән) һәм экология буенча теоретик дәресләр, практик дәресләр һәм мөстәкыйль тикшеренү эшләре көтә.