Казанда тарих буенча Бөтенроссия мәктәп укучылары олимпиадасының йомгаклау этабы узачак
2022 елда тарих буенча Бөтенроссия мәктәп укучылары олимпиадасының йомгаклау этабы Казанда 28 марттан 3 апрельгә кадәр Идел буе дәүләт физик культура, спорт һәм туризм университеты базасында узачак.
Бу этапта Россиянең 71 регионыннан 9-11 сыйныфлардан 295 укучы катнашачак. Аларны 86 педагог озата барачак, алар олимпиада турларында катнашучылар язган вакытта үз программасы буенча эшләячәк һәм квалификация күтәрү курслары узачак.
Бөтенроссия олимпиадасының йомгаклау этабы 3 этапта узачак.
29 март – эссе катнашучылары тарафыннан язылуны күздә тоткан беренче язма тур;
30 март – тест биремнәрен үз эченә алган икенче язма тур;
1 апрель-бирелгән темалар буенча катнашучыларның кыска чыгышларыннан һәм аларны тикшерүдән гыйбарәт өченче телдән туры.
Беренче ике тур Идел буе дәүләт физик культура, спорт һәм туризм университетының уку корпуслары базасында оештырылды, өченче тур – КФУның «IT – лицей» махсус уку-белем бирү интернат-мәктәбендә.
Олимпиададан тыш, балалар өчен Казан буенча күзәтү экскурсиясе, Казан Кремленә экскурсия, Татарстан Республикасы Милли музеена, КФУ музеена бару планлаштырылган.
Барлык катнашучыларга да уңышлар телибез!